Pagkatapos ng kampanya ng Alas Pilipinas sa Nakhon Ratchasima, Thailand, ay patungo naman ang mga ito sa Ninh Bình, Vietnam para sa Leg 2 ng 2025 SEA V.League na magsisimula sa Agosto 8 hanggang 10, kung saan muling magtatagisan ng lakas ang Pilipinas, Thailand, Vietnam, at Indonesia.Matatandaang nakamit ng Alas Pilipinas ang ikatlong sunod na bronze medal sa SEA V.League matapos talunin ang Indonesia, 25-20, 25-20, 16-25, 25-13, sa laban para sa ikatlong puwesto sa Leg 1. Bronze din ang nakuha nila noong 2024 sa parehong torneo.“One step closer, more to chase,” ani Angel Canino, na pinarangalan bilang Best Outside Spiker sa Leg 1.Si Canino rin ang tinanghal na Best Outside Hitter sa 2025 AVC Nations Cup, kung saan nagtala ng makasaysayang silver medal ang Alas Pilipinas.Magugunitang tinalo ng bansang Thailand ang Pilipinas (25-17, 24-26, 20-25, 20-25) at Vietnam (13-25, 21-25, 25-23, 9-25) bago nakuha ng Thailand ang gold kontra Vietnam sa finals ng Leg 1.Kasama ni Canino sa Leg 1 sina team captain Jia De Guzman, Bella Belen, Shaina Nitura, Eya Laure, Vanie Gandler, Leila Cruz, Maddie Madayag, Mars Alba, Dell Palomata, Fifi Sharma, Thea Gagate, Dawn Catindig, Justine Jazareno, at Cla Loresco.

Nag-qualify na ang Meralco Bolts bilang nag-iisang kinatawan ng Philippine Basketball Association (PBA) para sa 2025–26 season ng East Asia Super League (EASL).Sa ikatlong pagkakataon, muling sasabak ang Bolts sa prestihiyosong regional tournament. Isa rin itong makasaysayang tagumpay para sa koponan, dahil sila pa lamang ang ikatlong club team na makakalahok sa EASL ng tatlong sunod na beses—kasunod ng Ryukyu Golden Kings ng Japan at New Taipei Kings ng Chinese Taipei.Unang sumabak ang Meralco sa inaugural season ng EASL noong 2023–24, kung saan una nilang naranasan ang matinding kompetisyon sa international stage. Ang karanasang iyon ang naging inspirasyon at pundasyon sa kanilang kauna-unahang PBA championship—ang 2024 Philippine Cup—na siya ring naging susi para sa kanilang pagbabalik sa EASL sa ikalawang pagkakataon.

Bukas na ang tanggapan ng Philippine Basketball Association (PBA) para sa mga nagnanais na makapasok sa kauna-unahang pay-for-play league sa Asya.Maaaring makakuha ng application form sa PBA office ang mga gustong mag-apply para sa 2025 Rookie Draft bago magbukas ang ika-50 season ng liga sa October 5, 2025.May tatlong linggo ang mga aplikante—mula August 4 hanggang August 29—upang maipasa ang kanilang mga requirements at maging bahagi ng draft proceedings sa September 7.