Unang MVP trophy ni Fajardo ipapasubasta para sa mga biktima ng Tino
8
Boxing: WBC Asia super-bantam weight titlist Marlon Tapales, target makalaban muli si Naoya Inoue sa susunod na taon
Jet Hilario
Matapos na matagumpay na depensa sa kanyang titulo kontra kay Saurabh Kumar ng India sa kanilang paghaharap sa Olympic Stadium sa Phnom Penh, Cambodia nitong Linggo, target ni WBC Asia super-bantam title Marlon Tapales na muling makalaban at makasagupa si WBC/WBA/IBF/WBO super bantamweight Japanese champion Naoya “The Monster” Inoue.
Ayon kay Sanman CEO JC Manangquil, titiyakin nilang mananatili ang pagiging aktibo ni Tapales sa boxing at maaaring bago matapos aniya ang taong ito ay may makakalaban uli siya.
Dagdag pa ni Manangquil, kung ang isa sa mga titulong hawak ni Inoue ang mabakante ay maaari aniya siyang lumaban dito.
"Siguro kung ang isa sa mga titulong iyon ay mabakante mula kay (Naoya) Inoue, maaari tayong lumaban para sa isang titulo sa mundo. Pero pananatilihin nating aktibo si Marlon. Baka panibagong laban bago matapos ang taon,” ani Manangquil.
Sa ngayon, abala na uli si Tapales sa pag-eensayo at paghahanda para sa posibleng world title shot sa susunod na taon.
Matatandang huling nakalaban ni Tapales sa boxing ring si Nattapong Jankaew ng Thailand kung saan nanalo si Tapales sa labang ito via KO sa Pasay City nitong nakaraang Mayo habang natalo naman si Tapales via KO ni Japanese champion Naoya “The Monster” Inoue sa 10th round ng kanilang laban noong nakaraang taon sa Tokyo, Japan.
