Unang MVP trophy ni Fajardo ipapasubasta para sa mga biktima ng Tino
1
Mga atletang Pinoy sasabak na sa Harbin winter Olympics
Rico Lucero
Patungo na ngayong araw, Pebrero 4, ang nasa 20 mga atletang Pinoy na sasabak sa 9th Asian Winter Games na gaganapin sa Harbin, China.
Isasagawa ang winter Olympics sa Pebrero 7, araw ng Biyernes hanggang Pebrero 15 sa Harbin International Convention Exhibition and Sports Center.
Tiwala si Philippine Olympic Committee President Abraham “Bambol” Tolentino na lubos na pinaghandaan ng mga atletang pinoy ang palarong ito at kayang-kaya ng mga ito na makipagsabayan at makapag-uwi ng medalya sa naturang torneo.
“I believe our winter sport athletes can deliver, not in terms of medals, but in terms of the exposure and experience that’s needed as we also put weight on our thrust for the Winter Olympics,” pahayag ni Tolentino.
Kasama sa listahan ng mga atleta sina Francis Ceccarelli at Tallulah Proulx sa slalom Alpine skiing, Laetaz Amihan Rabe sa free ski slopestyle, big air at halfpipe ng snowboarding at sina short-track speed skater Peter Groseclose, figure skating pair nina Isabella Gamez at Alexander Korovin, at figure skaters Paolo Borromeo, Cathryn Limketkai at Sofia Frank.
Pasok din ang men’s curling team nina Benjo Delarmente, Alan Frei, Christian Haller, Enrico Pfister at Marc Pfister at ang women’s squad nina Anne Bonache, Kathleen Dubberstein, Leilani Dubberstein, Sheila Mariano at Jessica Pfister.
Samantala, hindi naman makakasama sa China si snowboarder Adrian Lee Tongko matapos magkaroon ito ng injury sa tuhod habang nasa training camp ito sa Hakuba, Japan.
Nasa 1,275 athletes mula sa 34 na bansa ang lalahok sa 64 events sa 11 sports sa winter Olympics sa taong ito kung saan kabilang sa mga ito ang alpine skiing, biathlon, cross country, curling, figure skating, freestyle skating, ice hockey, short track speed skating, ski mountaineering, snowboarding at speed skating.
