The “Wonder Boy” panalo sa Amerika laban kay Portillo ng Mexico

Sa unang pagkakataon nasungkit agad ni Carl Jammes Martin ang kanyang unang panalo sa Amerika matapos nitong talunin si Fransico Portillo ng Mexico sa ikawalong round ng kanilang laban at nakuha ang Unanimous Decision nitong Sabado ng gabi, Mayo 31, sa Michelob Ultra Arena sa Las Vegas, Nevada.

Sinubukan ni Martin na patumbahin at gawin ang lahat para ma-knockout ang kalaban subalit sadyang mahusay at magaling si Portillo. Subalit sa Round 6, bumagsak si Portillo at ito ang naging malaking puhunan ni Martin kung kaya nakuha niya ang mga paborableng scores mula sa mga hurado; Tim Chaetham (parehong 78-73) at Don Trella (79-72) kung saan siya ang malinaw na nanalo.

“Veteran boxer po ang nakalaban ko, hindi pa siya napapatumba ng mga world champion, sinubukan po nating ma-KO at ginawa ang lahat para ma-impress natin mga Kano at mundo. Sobrang dami ko pong natutunan, and hindi po siya basta basta kalaban. Napakagaling at naging mabigat na challenge sa akin,” ani Martin.

Si Martin ay may malinis ngayong record na 26-0 (Win-Loss) na may 20 knockouts samantalang laglag naman ang 30 taong-gulang na Amerikano sa 19-13-2 (win-loss-draw) na mayroong 11 KOs.

Sa kabila ng kanyang tagumpay ngayon sa larangan ng boxing, hindi nakakalimot si Martin na magpasalamat sa Panginoong Diyos na kinikilala niyang nagbigay sa kanya ng patnubay at karangalan na kanyang nakamit. 

Ito ay isang katangian ng atletang Pilipino na sa anumang uri ng laban ay laging ipinagpapaunang pasalamatan ang Diyos sa kanyang buhay. 

Maging ang kanyang mga taga suporta at Pinoy fans ay pinasalamatan din ni Martin lalo na ang buong kapatiran sa loob ng Iglesia ni Cristo kasama ang kanilang Tagapamahalang Pangkalahatan ng INC na si Kapatid na Eduardo V. Manalo at ang Pangalawang Tagapamahalang Pangkalatahan na si Kapatid na Angelo Erano V. Manalo.

“Maraming maraming salamat po sa inyo sa mga sumuporta sa akin, sa mga kababayan ko sa Pilipinas. Kaunahang banggitin ko ang aming Tagapamahalang Pangkalahatan ang Kapatid na Eduardo V. Manalo, ang Kapatid na Angelo Erano Manalo at ang mga kapatid namin sa Iglesia sa buong mundo, mga kababayan ko sa Pinas, Maraming salamat po sa inyo, pati sa mga boxing fans, thank you po sa suporta at panalangin po ninyo sa para sa akin,”  dagdag pa ni Martin.