Mga hamon, pagsubok at tagumpay na pinagdaanan ng Volleybukids
13
Kalahok sa Philippine swimming squads pinangalanan na
Keanna Wren
Nakatakda na ang mga koponan ng Pilipinas na lalahok sa World Aquatics Swimming World Cup, Southeast Asia Age Group Championships, at Asian Open Water Swimming Championships.
Kasunod ng pagtatapos ng national trials na ginanap noong nakaraang buwan, ang mga swimmers na sasabak sa mga international events ay pinangalanan na.
Pinangungunahan nina 2022 Southeast Asian Games gold medalist na si Chloe Isleta, na nanguna sa listahan na mayroong 770 World Aquatic points, at SEA Games record holder na si Xiandi Chua ang women’s team sa World Cup series sa pangkat ng short-course, kasama sina Filipino-American Cristina Miranda Renner at World Junior Championships semifinalist Micaela Jasmine Mojdeh.
Samantalang ang men’s team naman ay papangunahan nina Joshua Gabriel Ang at Miguel Barreto, kasama sina Kyle Gerald Valdez, Rian Tirol, Metin Junior Mahmutoglu, Rafael Barreto, Jerard Jacinto, Nathan Jao, Lucio Cuyong II, Raymund Paloma, Albert Jose Amaro II at Robin Domingo.
Magsisimula ang Cup series sa Shanghai, China mula Oktubre 18-20; kasunod ang Incheon edition mula October 24-26; ang Singapore leg naman ay gaganapin mula Oktubre 31 hanggang Nobyembre 2; at ang Cup Championships ay mangyayari mula Disyembre 10-15 na gaganapin sa Budapest, Hungary.
Ang koponan naman ng bansa na lalaban sa SEA Age Championships long course na gaganapin mula Disyembre 6-8 sa Bangkok, Thailand ay pangungunahan nina Riannah Coleman at Billie Mondonedo.
Kasama sa girls’ team sina Mojdeh, Shania Joy Baraquiel, Ava Samantha Bautista, Liv Abigail Florendo, Sophia Rose Garra, at Bacolod-based na si Maxene Hayley Uy.
Ang men’s team naman ay binubuo nina Gian Santos, Jamesray Michael Ajido, Albert Jose Amaro, Ryian Zach Denzel Belen, Jaydison Dacuycuy, Fil-German Alexander George Eichler, Fil-Mongolian Enkhmend Enkhmend, Ivo Nikolai Enot, Peter Dean and Reiniel Mikos Trinidad.
Ang Filipino swimmers naman na sasali sa Open Swimming tilt na gaganapin sa Hong Kong mula Nobyembre 8-10 ay sina Grazielle Sophia Ato, Athea Margarette Lagunay, Athena Chang, at Hannah Sanchez para sa women’s team, habang ang men’s team naman ay binubuo nina Paulo Labanon, Rafael Cruz, Roy Angelo Rodriguez at Eirron Vibar.
“Nalagpasan nila ang qualifying, which is good for them. Umaasa akong mapapanatili nila ang kanilang momentum. But I should warn them that the road to greatness has just started for them,” saad ni Eric Buhain, secretary-general ng Philippine Aquatics Inc.
