Unang MVP trophy ni Fajardo ipapasubasta para sa mga biktima ng Tino
8
PBA: NLEX hindi nakaporma sa panalo ng Beermen
Rico Lucero
Hindi na nagawang makaporma pa ng NLEX Road Warriors matapos na matalo ito ng San Miguel Beermen sa score na 119-114 sa nagpapatuloy na PBA Governors Cup, nitong Miyerkules.
Ito ang ikatlong sunod na pagkatalo na naranasan ng Road Warriors sa conference, habang ito naman ang magkasunod na panalo ng Beermen matapos na manalo din ito laban sa Rain or Shine noong nakaraang Linggo kaya mayroon na rin silang 4-2 win-loss record at pangatlo sa ranking sa Group B.
Ayon kay SMB coach Jorge Gallent, nalungkot siya dahil sa first half ay nagkaroon sila ng lapses sa pagdating sa depensa ng laro, bagaman, ito na ang naging susi kaya naipanalo nila ang laban.
"Sa first half, marami kaming natutulungan, sobrang nakatulong kaya sila (Road Warriors) open shots. May na-challenge at may hindi. Pero wala masyadong (mali) sa second half ," ani Gallent.
Samantala, nanguna sa panalo ng Beermen si CJ Perez na nakapagtala ng 24 points habang nakuha ni Marcio Lassiter ang Player of the Game kung saan nakapag-ambag ito ng 17 points at anim na rebounds.
Nagtala rin ng 17 points at siyam na rebounds si June Mar Fajardo habang ang bago nilang import na si Sheldon Mac ay mayroong 16 points.
Pagkatapos ng laban ng SMB kontra NLEX, sunod na haharapin ng Beermen ang Phoenix Fuel Masters sa araw ng Biyernes September 13, habang sasagupain naman ng NLEX ang Rain or Shine sa susunod na Martes, September 17.
The scores:
San Miguel 119 – Perez 24, Fajardo 17, Lassiter 17, Mac 16, Trollano 16, Romeo 13, Cruz 10, Ross 3, Tautuaa 2, Brondial 1, Rosales 0, Nava 0.
NLEX 114 – Bolick 24, Miranda 18, Henry 17, Valdez 15, Rodger 11, Amer 10, Herndon 9, Policarpio 4, Marcelo 4, Fajardo 2, Nermal 0.
Quarters: 27-23; 57-57; 86-92; 119-114.
