PBA: Ginebra Kings nakaisa kontra Blackwater Bossing

Nakaganti na ang Barangay GInebra kontra sa Blackwater Bossing matapos nitong matalo ang Bossing sa score na 112-98 nitong Martes sa nagpapatuloy na PBA Governors’ Cup Season 49.

Puno ng determinasyon at layuning manalo ang Ginebra Kings para makuha ang 4-2 win-loss record sa Group B, kung saan gumawa si Scottie Thompson ng triple-double sa pagtatala ng 21 points, 10 rebounds, at 11 assists. 

Nag-ambag din ng 20 points at 9 rebounds si Justin Brownlee, at 15 points naman si RJ Abarrientos habang mayroong 14 points, 7 rebounds at 5 assists si Stephen Holt at 14 points naman ang naiambag ni Japeth Aguilar. 

Samantala, pinuri naman ni Brownlee ang naging performance ni George King matapos na buong tiyagang dinepensahan ang Bossing para lang hindi matalo ang kanilang koponan. Nakapagtala si King ng 21 points (19 sa first half and two sa second half) na maituturing na pinakamababang output na kaniyang nagawa. 

“He’s been unbelievable for Blackwater. He came in right away and gave them a lot of momentum. He can definitely score the basketball and also get his teammates involved. He’s been doing really good. In my opinion, one of the best imports here in this conference. I’m sure he is going to continue doing what he is doing. They should have success with him,”  ani Brownlee.

Samantala, pinuri din ni Brownlee ang kaniyang teammates sa effort na kanilang ipinakita lalo na si Thompson na pinangunahan ang kanilang koponan sa kanilang tagumpay.

“It was a great all-around performance from the team. Scottie leading the way, triple double. He is always coming out there, playing hard, and doing what he does. He led us tonight. And everybody pitched in," It was a good team effort all around the board. Guys stepping up and make big shots, big defensive plays, rebounds, whatever it was. Guys stepped up. You have to give Blackwater a lot of credit. They are young team. They play hard and feisty. They really have a real good import. It was just a good game and it was our night tonight," dagdag ni Brownlee.

Sa Biyernes, haharapin ng Ginebra Kings ang Rain or Shine sa Araneta Coliseum, habang ang Blackwater Bossing naman ay sasagupain ang Phoenix Fuel Masters sa Linggo, September 15.