Nagtapos sa ika-apat na pwesto ang Alas Pilipinas sa first leg ng 2025 Southeast Asian V.League na isinagawa sa Candon City Ilocos Sur. Ito ay matapos na matalo ito ng Indonesia, 19-25, 17-25, 17-25, dahilan kung kaya hindi nito nasungkit ang silver medal. Higit pa rito, napansin ni Philippine National Volleyball Federation President Ramon “Tats” Suzara ang mga pagkakamali ng Alas Pilipinas kung kaya nahirapan din ang mga ito na makuha ang kampeonato at iyon ang dapat alamin ng koponan at sikaping mabago at lalo pang mapa-unlad ang kanilang kasanayan sa volleyball. “The team needs to learn from their mistakes, their errors, two wins and two losses, but we still need to work harder,” ani Suzara. Bagaman nagtapos sa ikaapat na pwesto, kuntento naman si Suzara sa kabuuan ng laro at laban ng Alas Pilipinas. “...Overall it’s a good result with this young team,” dagdag pa ni Suzara. Samantala, umaasa si Suzara na makakalaro na para sa national team sina injured veterans Marck Espejo na nagkaroon ng ankle injury  at Bryan Bagunas na mayroon namang knee injury.Kahit natalo sa torneyo, hinirang naman si Leo Ordiales bilang Best Opposite Hitter ng SEA V.League.Nangako naman ang Team Alas Pilipinas na babawi sila sa 2nd leg ng SEA V.League. “We fell short. Just a bit short, I believe we will recover from this soon,” sabi ni team captain Kim Malabunga.

Naniniwala si World Boxing Council welterweight champion Mario Barrios na hindi basta basta ang makakalaban niya sa susunod na Linggo. Pero kahit sino pa man, hindi nito kaaawaan ang kanyang makakalaban. Ide­depensa nito ang kanyang suot na korona laban sa “Pambansang Kamao” ng Pilipinas na si Manny Pacquiao.Itinuturing ni Barrios na “Killier” ang kanyang kalaban, pero nangako ito na hindi siya magpapakumpiyansa laban kay Pacquiao na 16-anyos ang tanda sa kanya. “If the roles were reversed, Pacquiao wouldn’t try to take it easy on me,” sabi ni Barrios. “He’s not going to feel sorry for me in there. It’s just the reality of the sport. I am ready to defend my title by any means necessary,” dagdag pa nito.Kaya naman, magiging maingat ang 30-anyos na si Barrios sa pagharap sa dating eight-division world champion.“It’s kill or be killed in there. I have to go in there and make sure my hand is raised by any means necessary, whether it’s by knockout or by decision. He has age. I have to be ready for whatever he brings,” ani Barrios.Hindi rin umano ito magpapa apekto sa legendary status at mabait na perso­nalidad ni Pacquiao at plano rin niyang muling ibalik sa retirement ang boxing legend.“He’s such a likable dude. It’s hard to be like, ‘Man, I’m about to square up with him for my title.’ But I am going in there with bad intentions. I am trying to get him out of there,” ani Barrios.Tatapusin din ni Barrios ang inaasam ni Pacquiao na gumawa ng panibagong rekord at  kasaysayan na muling maging pinakamatandang kampeon sa 147-pound division.Matatandaang minsan na ring inamin ng kampo ni Barrios, lalo na ang kanyang trainer na si Bob Santos na plano na nilang tuldukan ang pananalasa ni Pacman. “Pacquiao, you had your time, now it’s El Azteca’s time. We appreciate the run, but it’s his time. But it’s not that Manny Pacquiao doesn’t have the hand speed, the foot speed, we’ve seen it all that, obviously, he’s got an IQ and has the experience. But this man is hungry, determined, and he’s gonna take it to the next level, he’s gonna prove that like I said on July 19th,” saad naman ni Santos.

Kahit may edad na, pursigido at determinado pa rin ang dating eight-division world champion na si Manny Pacquiao na makuha ang kampeonato kontra kay Mario Barrios sa kanilang nalalapit na laban sa July 19, sa Las Vegas, Nevada. Target ni Pacquiao na masungkit ang welterweight title kontra reigning World Boxing Council (WBC) titleist Mario “El Azteca” Barrios.Kung sakaling palarin na manalo sa laban, ito na ang kanyang ika-limang welterweight title sa kanyang karera sa boxing.   Pagkatapos ng ilang taong pahinga sa boxing, dahil itinuon nito ang pansin sa paglilingkod sa bayan bilang kongresisita at senador, ngayon naman ay ilang linggo lang halos ensayong ginawa ni Pacquiao para sa labang ito at malaki ang kaniyang tiwala sa sarili at determinasyon na mananalo ito sa laban. “I still have the fire in my eyes and in my heart. I’m punishing myself to the limit. That’s what I’m thinking. And footwork is the key, 33 rounds of sparring, doing mitts and the heavy bag. I can still do the same as when I was young,”  pahayag ni Pacquiao.Gustong patunayan ni Pacquiao, na may ibubuga pa ito sa ibabaw ng boxing ring para makapagtala ng panibagong kasaysayan sa 147 pounds matapos tuldukan ang kanyang halos apat na taong pagreretiro para lang hamunin ang 30-anyos na Mexican-American boxer.“Even at the age of 46, I can still be a champion, and that I can still fight,” bulalas pa ni Pacman.Matatadaang halos apat na taon na ng huling nasulyapan sa ibabaw ng boxing ring si Pacquiao matapos itong mabigo kay Yordenis “54 Milagros” Ugas ng Cuba para sa WBA belt noong Agosto 21, 2021, at nitong taong ito ay sumabak din si Pacquiao sa exhibition fights kina Japanese Rukiya Anpo at DK Yoo ng South Korea. Si Pacquiao ay kasalukuyang may 62-8-2 (win-loss-draw) record kung saan 39 sa mga panalo nito ay puro knockouts.