Unang MVP trophy ni Fajardo ipapasubasta para sa mga biktima ng Tino
10
Weightlifting, opisyal ng ibinalik sa Palarong Pambansa
Rico Lucero
Pagkatapos ng mahigit labing limang taon, muling ibinalik ang weightlifting sa Palarong Pambansa.
Nagbunga rin ang mga sakripisyo at pagpapakapagod ng mga opisyal ng Samahang Weightlifting ng Pilipinas para maibalik at mapasama muli ang naturang sport.
Isasagawa sa May 24 to June 2 sa Ferdinand E. Marcos Memorial Stadium, Laoag City Ilocos Norte ang 65th Palarong Pambansa sa taong ito.
Ayon kay Samahang Weightlifting ng Pilipinas president Monico Puentevella, na naging maganda ang resulta ng kanilang pakikipag-usap ng mahigit 15 taon para maisama ang weightlifting sa Palarong Pambansa, sa pakikipagtulungan na rin ni 2020 Tokyo Olympic gold medalist na si Hidilyn Diaz.
Pinasalamatan din ni Puentevella si Deped Secretary Sonny Angara, at umaasa din ito na maging ang ibang sangay ng mga lokal na pamahalaan kasama na ang CHED at UAAP ay matutulungan umano sila para makapag-produce pa ng mga future Olympiad at atletang mag-uuwi rin ng karangalan sa bansa.
“About time. After 15 years of personal campaigning, and Hidilyn’s help too, we finally see the light. Thanks to my basketball teammate, DepEd Secretary Sonny Angara for making this possible. If the LGUs (local government units) can help buy the equipment, SWP promises you more medals in the Olympics. Just wait and see! Hope CHED and UAAP can help us too,” ani Puentevella.
Labis namang ikinatuwa ni Diaz ang pagkakasali ng weightlifting sa Palarong Pambansa bilang isa munang demonstration sport sa gaganaping torneyo sa Mayo.
“The technical working group and I are doing our best, working hard on this, and hoping it will soon become a regular sport,” ani Diaz.
“It started as a dream, and finally, weightlifting is included as a demonstration sport in the Palarong Pambansa. I have long hoped for my sport to be part of the biggest national sporting event for student-athletes in the Philippines. Now, it’s finally happening.,” dagdag pa ni Diaz.
Magugunitang dekada 80 nang mawala ang weightlifting sa calendar of events ng Palarong Pambansa dahil sa mga kontrobersyang kinaharap ng sport na ito. Hindi na rin ito naging parte ng taunang grassroots sports program ng pamahalaan. Sa ngayon ay umaasa si Diaz na sa pamamagitan ng Palarong Pambansa ay mas lalo nang lalawak ang interes ng mga Pilipino sa ganitong sports na isa sa posibleng pagkunan ng gintong medalya ng Pilipinas sa mga darating na international competitions gaya ng Olympic Games, Asian Games at Southeast Asian Games.
