Unang MVP trophy ni Fajardo ipapasubasta para sa mga biktima ng Tino
7
Kath Arado nagbigay ng reaksyon sa kaganapan sa UE Lady Warriors
PLDT HIGH SPEED HITTERS CAPTAIN AND LIBERO
Kath Arado, na dating University of the East (UE) Lady Red Warriors at kasalukuyang naglalaro sa Premier Volleyball League (PVL) bilang captain at libero ng PLDT High Speed Hitters, inihayag ang kalungkutang nadama nang nalaman niya ang naging kinahinatnan ng kanyang dating koponan.
“Noong una ko siyang nabasa, nalungkot ako. Kasi they are doing well,” saad ni Arado.
“Nakakalungkot lang dahil nage-evolve na sila pero dahil sa nangyari ay mahihirapan talaga sila sa gagawin nilang adjustment,” dagdag pa ng 2023 PVL Invitational Conference “Best Libero”.
Isang exodus ang nangyari sa koponan ng UE Lady Warriors na gumulat sa collegiate volleyball community.
Napag-alaman kamakailan lang na bumaba sa pwesto bilang head coach si Dr. Obet Vital at kasama niya ang apat niyang former California Academy standouts at former Lady Warriors na sina Casiey Dongallo, Kizzie Madriaga, Jelai Gajero, at Shamel Fernandez.
Kasama na ngayon si Coach Obet sa coaching staff ng University of the Philippines (UP) Women’s Volleyball Team habang ang apat na players naman ay eligible na maglaro para sa Fighting Maroons sa Season 88.
Ayon pa kay Arado ay malaki ang naging impact ng pagkawala ng apat dahil sila ang tinaguriang key players ng UE.
“Kahit na pare-parehas ang pinagte-trainingan nila, iba pa rin iyong experience na dala nung apat.”
Ikinuwento rin ni Arado na nakakausap pa rin niya ang mga naiwang players, kahit na hindi na siya nakakabisita sa mga trainings nito, at natutuwa rin siya dahil sa kabila ng nangyari ay positibo pa rin ang outlook ng mga players.
Sa usaping Final Four naman ay umaasa si Arado na makakapasok ang Lady Warriors.
“Kung may mawawala, may darating naman. So, hoping pa rin ako at praying na makapasok sila kasi kilala ko sila at alam ko iyong skills na ibinibigay nila,” pagtatapos ni Arado.
