Unang MVP trophy ni Fajardo ipapasubasta para sa mga biktima ng Tino
7
50th Golden Anniversary logo ng PBA pomal ng isinapubliko
Rico Lucero
Pormal nang isinapubliko ng Philippine Basketball Association ang kanilang anniversary logo kaugnay ng pagsapit ng PBA sa kaniyang ika-50 taong pagkakatatag nito.
Ang logo ay nababalot ng kulay ginto at itim na silhouette ng nagdi-dribble na player sa gitna ng ‘B’ sa PBA kung saan ipinakikita nito na isa ang PBA sa mga pinakamatagal na liga sa bansa na nagsimula noon pang 1975.
Ayon kay PBA Commissioner Willie Marcial, magsasagawa ang liga ng ilang mga festivities sa pagsisimula ng PBA Commissioner’s Cup semifinals.
“Yung 50th, eto po ay magsisimula na semifinals (ng Season 49 Commissioner’s Cup). Mapapansin n’yo patches muna (ang logo). ‘Yung players natin, referees, coaches, tayo. Isusuot at ipapakita na natin para sa fans natin,” ani commissioner Marcial.
Kasama ni Marcial sa launching nitong Lunes, Pebrero 10 sina chairman Ricky Vargas, Vice chair Alfrancis Chua at Governors ng 12 teams, kasama si PBA legend Allan Caidic at sina Janes Basas ng TV5/Cignal, at Guido Zaballero.
Sa Abril 4 at 5 naman sa Philippine Cup ay naka-embed na ang gold logo nila, at sa April 9 naman ay inaasahang ipapakilala na ang karagdagang 10 bagong players na idadagdag sa unang 40 para maging 50 Greatest Players ng PBA.
Sa Mayo 2 hanggang 4 naman ay magsasagawa ang PBA ng special All-Star Weekend sa Panabo, Davao del Norte.
Ayon naman kay PBA chairman Ricky Vargas, may mga nakalinya rin aniya silang mall at school tours at ang pagbabalik ng Homecourt – ang sorpresang pagbisita sa mga courts sa iba’t ibang barangay ng NCR.
"We are going to reach out to the community. We are going to reach out to the basketball fans, and we will redefine our relationship with basketball fans, and we will redefine our teams' relationship with the public," ani Vargas.
“Marami kaming gagawin hindi para sa PBA, para rin sa mga tao na nagmamahal sa PBA,” sabi naman ni Chua.
Pagsapit naman ng October 5, magkakaroon ng full blast ng celebration kung saan target nito ang opening ng Season 50 ng PBA.
