UFC: Zamboanga, gusto ng unification title bout vs. Fairtex

Umaasa si newly crowned ONE Interim Women’s Atomweight MMA World Champion Denice “The Menace” Zamboanga na matutuloy na ang unification title bout sa pagitan nila ni on-the-mend divisional queen Stamp Fairtex sa sarili nitong home country.

Ayon kay Zamboanga, umaasa rin ito na isasagawa ang kanilang laban sa Mall of Asia Arena dahil iba aniya ang pakiramdam kapag sa sariling bansa nakikipaglaban lalo na at maraming mga local fans ang magiging masaya habang nanonood ng laban.

“That would be perfect. It will make the local fans happy, and I think Stamp and I have the capabilities to fill the arena with the interest alone in our fight. It’s a different feeling to compete in our own country. I’ve experienced that, and it’s truly one of a kind. It’s truly amazing,” ani Zamboanga.

Sinabi pa nito na matagal na panahon aniya ang hinitay niya para magkaharap sila ni Fairtex at sigurado siya na ito rin ang gustong mapanood ng mga pinoy fans na mahilig sa mixed martial arts. 

Ipinangako din ni Zamboanga sa kanyang mga tagahanga at taga-suporta na magiging maganda ang laban nilang ito at nakahanda itong ibigay ang buong makakaya at pagbubutihin niya din ang laban para sa bansa.

“It will be a great fight. I promise to be even better, and I will showcase new skills for this fight. I’m excited to face her, finally. I know this is what the fans want, I know this is something that they’ve been waiting for. This is a fight that should’ve happened a long time ago, and it’s something that people have been anticipating for a long time,” dagdag pa ni Zamboanga.

Magugunitang naantala ang laban nina Zamboanga at Fairtex dahil sa tinamo na injury ni Stamp nitong 2024. Bagaman matalik na magkaibigan ang turing sa isa’t-isa subalit isasantabi muna ito ni Zamboanga upang bigyang karangalan ang bansa sa larangan ng Mixed Martial Arts.