Unang MVP trophy ni Fajardo ipapasubasta para sa mga biktima ng Tino
10
Pinay weightlifter nagkamit ng 2 bronze medals sa IWF World Championships sa Bahrain
Rico Lucero
Isa pang bronze medal ang maiuuwi ni Rosegie Ramos matapos makamit ang kabuuang pagbuhat nito ng barbel sa 88kgs sa snatch at 105kgs sa clean-and-jerk na may total lift of 193kgs in the 49-kg category sa nagpapatuloy na IWF World Championships sa Bahrain.
Nakuha ni Ramos ang ikatlong pwesto matapos mangiibabaw si Ri Song Gum ng North Korea sa women’s 49-kg event matapos mabuhat ang kabuuang 213kgs sa likod ng snatch na 91kgs at clean-and-jerk na 122kgs.
Samantala, si Linxiang Xiang ay nakakuha ng silver medal matapos makapagbuhat sa snatch na 92kgs at clean-and-jerk na 120kgs para sa kabuuang pagtaas ng 212kgs.
Ang kanyang tagumpay ay sinundan ng isa pang bronze medal na naipanalo naman ni Fernando Agad Jr.
Nagpahayag naman ng pasasalamat si Ramos sa pamamagitan ng kanyang social media account sa lahat ng sumuporta at naniwala sa kanyang kakayahan.
“Sa totoo lang, hindi ko po alam saan magsisimula. Sobrang saya at sobrang priceless ‘yung nararamdaman ko ngayon. Hindi ko alam paano nangyari lahat, pati ako na-shock sa performance ko. Thank you, God! Alam mo Lord kung gaano ko ito ka-kailangan. At hindi mo ako binigo,” sabi niya sa post.
“Ang podium finishes na ito ay isang malaking paalala na kahit ano man ang pagsubok na pagdaanan natin sa buhay, laging anjan si God, ang ating pamilya, kasama ng mga totoo at tamang tao para tulungan tayong bumangon ulit,” dagdag pa ni Ramos.
Ayon kay Samahang Weightlifting ng Pilipinas president Monico Puentevella, nais umano sumabak ni Ramos sa L.A Olympics sa 2028, kung kaya naman nagsisikap itong mag-aral ng weightlifting dahil ito din umano ang kanyang plano tatlong taon mula ngayon.
“She’s learning her lesson the hard way. In His Time, she’ll be going to the Los Angeles Olympics too in three more years,” pahayag ni Puentevella.
“She has to train more and we have plans for her, too,” dagdag pa ni Puentevella
Samantala, ang two-time Olympian na si Elreen Ando ay lalahok naman sa women’s 64-kg event ngayong araw, December 11, kasama ang 2019 SEA Games’ gold medalist na si Kristel Macrohon sa women’s 71-kg category.
Gayundin, kakatawanin ni John Dexter Tabique ang bansa para sa men’s 89 kg competition.
