Mga hamon, pagsubok at tagumpay na pinagdaanan ng Volleybukids
13
PBA: Tropang Giga target ang 2-0 lead vs. Gin Kings
Rico Lucero
Sa pagpapatuloy ng Season 49 PBA Governors’ Cup Finals, target ng TNT Tropang Giga ang 2-0 lead kontra Barangay Ginebra mamayang gabi sa Smart Araneta Coliseum.
Ayon kay TNT coach Chot Reyes, muli nilang aasahan ng koponan ang playing performance nina Rondae Hollis-Jefferson at Rey Nambatac, kasama na sina Jayson Castro at Poy Erram.
“That’s why they’re there. They’re veterans. They know what to do in these situations. It’s not only the points they scored, it’s the other things that they do,” ani Reyes.
Matatandaang dinomina ni Castro si RJ Abarrientos noong Game 1 para malimitahan ang efficiency nito, kabilang na rin ang pagpigil ng Tropang Giga kay Japeth Aguilar.
Dagdag pa ni Reyes na kasama sa trabaho nila ang ma-stabilize at makuha ang advantage at ang pagkakataon para maipanalo ang laban. Sinabi pa ni Reyes na nakatuon ang kanilang pansin kung paano nila mapapahina ang lakas na taglay ng Gin Kings at higpitan pa ang kanilang depensa.
“Iyon ang trabaho nila. As veterans, their job is to stabilize and take advantage of opportunities. We know the strength of Ginebra. We looked at the numbers and we focused really on that - taking away their strengths and really making sure we lean on our strength which is our ability to stop teams and play defense,” dagdag pa ni Reyes.
Magugunitang tinalo ng TNT Tropang Giga ang Barangay GInebra noong nakaraang Linggo 104-88, para makuha ang 1-0 standing sa kanilang best-of-seven championship series.
Samantala, sisikapin naman ng Gin Kings na maitabla ang serye mamayang gabi sa Game 2 ng kanilang serye.
“We have to run around and move on, see what we can do to change our fortunes in Game Two. We’ll see what we can do about it,” saad naman ni Ginebra head coach Tim Cone.
