Unang MVP trophy ni Fajardo ipapasubasta para sa mga biktima ng Tino
7
PBA: Tropang Giga, muling inilampaso ang Gin Kings; 2-0 lead hawak na ng TNT
Rico Lucero
Naging agresibo muli ang TNT Tropang Giga para makuha ang panalo laban sa Barangay Ginebra, 96-84, upang makuha ang ang 2-0 lead sa serye ng pagpapatuloy ng kanilang best-of-seven series ng PBA Season 49 Governors’ Cup Finals, Miyerkules ng gabi sa Araneta Coliseum.
Humataw sa Game 2 si Rondae Hollis- Jefferson, na nakapagtala ng 37 points, 13 rebounds, 7 assists, 1 steal at 1 block, kung saan halos 48 minuto rin itong naglaro sa hardcourt.
Ipinagpaqsalamat ni RHJ ang kanilang pagkakapanalo sa Maykapal dahil nakatagal ito at nakumpleto ang halos buong oras ng kanilang labanan.
"I was blessed. I gotta give credit to God. At the end of the day, I were able to compete at a high level, you know, and sustain it for a long time," sabi ni RHJ sa iang panayam pagkatapos ng laro.
Bagaman, sa unang tatlong quarter ay halos nagpapalitan lang ng lamang ang makalaban, subalit pagpasok ng fourth quarter ay dito na nagkaroon ng run ang TNT kabilang ang tig-isang three-point shot nina Jason Castro at RR Pogoy para tuluyang lumayo ang lamang ng Tropang Giga.
Ayon naman kay TNT coach Chot Reyes, tiniyak aniya nila na hindi masasayang ang kanilang mga open shot at sinamantala na rin nila ang bawat pagkakataon sa laro.
"We take what are the opportunities in front of us. If they play us a certain way, then we're going to take the penetration or drive. If they cover that, then we make sure we get the next best open shot," ani Reyes.
Bukod kay RHJ, nag-ambag din si Calvin Oftana na mayroong 13 points at 14 rebounds, at Glenn Khobuntin na mayroong 13 markers.
Samantala, nakapag-ambag naman si Justin Brownlee ng 19 points habang mayroong 18 si Scottie Thompson. Tig-11 na puntos naman ang naitala nila Stephen Holt at Japeth Aguilar para sa Gin Kings.
Sa Biyernes, November 1, sisiguraduhin ng TNT Tropang Giga na muling makuha ang panalo sa Game 3 para mas mapalapit pa sa inaasam na korona.
The Scores:
TNT 96 – Hollis-Jefferson 37, Oftana 13, Khobuntin 13, Castro 9, Pogoy 9, Nambatac 6, Erram 4, Williams 3, Aurin 2
GINEBRA 84 – Brownlee 19, Thompson 18, Holt 11, J.Aguilar 11, Abarrientos 7, Ahanmisi 7, Cu 7, Pinto 4
QUARTERS: 19-23, 49-41, 72-71, 96-84.
