Mga hamon, pagsubok at tagumpay na pinagdaanan ng Volleybukids
13
PBA: NLEX Road Warriors may pag-asa pang makapasok sa playoffs
Rico Lucero
Napanatili ng NLEX Road Warriors ang kanilang pag-asa na makapasok sa playoffs matapos talunin ang Phoenix Fuel Masters kagabi, January 19, sa Ynares Center, Antipolo City, 108-94.
Ang nakaraan nilang laban kontra TNT Tropang Giga ang nagsilbing inspirasyon ng Road Warriors para makabawi ng panalo sa nagpapatuloy na PBA Season 49 Commissioner’s Cup.
Hindi rin naiwasan ni NLEX head coach Jong Uichico na matuwa at purihin ang kanyang mga local players dahil sa mga naging ambag ng mga ito para makamit ang kanilang panalo.
“Everybody had their mindset to contribute in today’s game. Alam nila gaano ka-importante yung laro ngayon. Everybody had the mindset and the will na maka-contribute maski papaano sa larong ito. Then malaking bagay [sila]. Tony was great, he was able to come back and was a big help to us. Kay Herndon naman, nabigyan ko ng minuto. Kaya nanalo, maganda yung contribution ng lahat. Hindi naman namin kontrolado yung result, pero yung tsansa manalo today, binigyan nila yung sarili nila ng tsansa,” ani Uichico.
Kuntento din si Uichico sa naging performance ni Jonnel Policarpio kung saan tinulungan nito si Robert Bolick na maipanalo ang laban. Ayon sa dating La Salle Green Archer, ginawa lang umano nito at binigay ang kanyang buong makakaya sa oportunidad na binigay ng kanyang coach.
“Binigay ko lang yung best ko sa opportunities na binigay sa akin ni coach. Hindi ko lang sinayang. Talagang sinunod ko lang yung game plan namin nila coach kanina,” ani Policarpio.
Nanguna sa panalo ng NLEX si Robert Bollick na nagtala ng 26 points, siyam na rebounds at isang steals, habang mayroong 17 points, siyam na rebounds at isang steal si Jonnel Policarpio.
Mayroon namang 15 points si Tony Semerad, habang 11 points naman ang naitala ni Rob Herndon.
Sa mga susunod na laban ng NLEX, kailangang mapagtagumpayan nila ang Rain or Shine Elasto Painters at Hong Kong Eastern, at nasa kanila na ngayon ang baraha para sulitin ang natitirang mga pagkakataon na kailangan nilang gawin para makatiyak ng pwesto sa playoffs.
The Scores:
NLEX 108 – Bolick 26, Watkins 22, Policarpio 17, Herndon 15, Semerad 11, Torres 9, Ramirez 5, Nieto 3, Mocon 0.
PHOENIX 94 – Smith 36, Rivero 13, Muyang 8, Perkins 8, Tio 7, Tuffin 6, Jazul 5, Alejandro 3, Ballungay 2, Manganti 1, Salado 0, Ular 0, Verano 0, Camacho 0.
Quarter Scores: 25-17, 45-48, 86-73, 108-94.
