Unang MVP trophy ni Fajardo ipapasubasta para sa mga biktima ng Tino
7
Meralco Bolts bumanat agad ng unang panalo sa EASL
Rico Lucero
Ilang araw lamang matapos ang kanilang PBA Season 49 Governors' Cup elimination, nilampaso ng Meralco Bolts ang Macau Black Bears 97-85 sa opening season ng East Asia Super League 2024-2025 na ginanap sa Mall of Asia Arena nitong Miyerkules ng gabi.
Nakuha pa ng Macau na mapababa ang kanilang deficit sa walo, 80-72, sa kalagitnaan ng huling quarter subalit lalo namang nag-init si Chris Newsome at umarangkada na at nagpakawala ng mga tira hanggang sa pagtatatpos ng kanilang laro.
Sina imports Allen Durham at DJ Kennedy naman ay nagpatuloy na umiskor ng limang sunod na puntos pagkatapos ng nagawa ni Newsome upang bumuo ng panibagong momentum na nagtulak sa kalamangan ng Meralco sa 93-74, kasunod ng isang technical free throw upang tuluyang makuha ang bentahe ng laro at makuha ang panalo.
Nanguna sa panalo ng Bolts si Newsome na nagtala ng 18 points, anim na assists, tatlong rebounds at tatlong steals habang naging maganda naman ang debut ni Kennedy para sa Meralco na may 17 puntos, siyam na rebounds, at walong assists.
Nag-ambag din si Durham ng 17, habang si Chris Banchero ang isa pang manlalaro na nagtapos sa double figures para sa Bolts na may naibuslong 14 puntos.
Ang naturalized player na si Ange Kouame, na kagagaling lang sa injury, ay nakapagtala pa ng ng siyam na puntos at siyam na rebounds para sa Meralco.
Samantala, ikinatuwa naman ni Bolts head coach Luigi Trillo ang kanilang unang panalo sa EASL at dito pa sa sariling bansa nakakamit ng unang panalo.
"It's nice to win our first game sa bansa. We played with a lot of pride, although we didn't play our best game, "At least we got one over here in our home turf," saad ni Trillo.
Matatandaang noong nakaraang EASL season ay isang panalo lang at 5 talo ang nakuha ng Meralco Bolts at hindi na ito nakasama sa final four.
The scores
Meralco (97) -- Newsome 18, Durham 17, Kennedy 17, Banchero 14, Kouame 9, Almazan 7, Quinto 7, Hodge 4, Caram 2, Bates 2.
Macau Black Bears (85) -- Cylla 23, Artino 23, Chongqui 21, Leung 10, Deguara 8, Chao 0, Li 0, Zeng 0, Lao 0, Chan 0.
Quarter Scores: 24-17; 43-39; 73-64; 97-85.
