Unang MVP trophy ni Fajardo ipapasubasta para sa mga biktima ng Tino
1
Manny Pacquiao, puspusan ang ensayo sa Los Angeles kontra Barrios
Jet Hilario
Wala ng isang buwan bago ang nakatakdang laban ni Pambansang Kamao at nag-iisang eight-division world champion na si Manny “PacMan” Pacquiao kontra kay Mario Barrios ng Mexico.
Dahil dito, puspusan ang ginagawang pag-eensayo ni Pacquiao upang matiyak na siya ang magwawagi sa kanyang comeback fight sa July 19, 2025 sa Las Vegas, Nevada.
Kasama sa kanyang training ang pagkuha nito ng mga sparring mate na magiging kasangkapan para lalo pa itong maging mahusay sa kanyang laban kung saan mas matatangkad na boksingerong ito, at pagtutuunan din ng pansin ni Pacquiao ang estilo at katangian na mayroon si Barrios, lalo na’t mayroong malaking bentahe pagdating sa height at reach, kabilang na ang 16-taon na diperensya sa edad nilang dalawa.
Ka-sparring ni PacMan sa pamosong Wild Card Boxing Gym sa Los Angeles, California sina 6-foot-2 unbeaten Elijah “2 Tec” Flores, 5’11” American prospect Samuel Contreras at 5-foot-10 undefeated Russian-born Darial “Bones” Kuchmenov.
Mahigpit namang nakasubaybay sa training ni Pacquiao sina International Boxing Hall of Fame trainer Freddie Roach at ang kaibigan nitong si Buboy Fernandez upang matiyak na walang magiging problema ang Pambansang kamao sakaling dumating na ang araw ng laban nito kay Barrios.
Hindi rin pinababayan ni Coach Justin Fortune ang strength and conditioning workout ni Pacquiao kung saan mahigpit din itong sinusubaybayan ilang linggo bago ang nakatakdang laban nito kay Barrios.
Bukod kay Manny Pacquiao, kasabay din nito sa mga ensayo ang ibang Pinoy boxers na sasabak sa undercard bout ni Pacquiao at Barrios na sina Tokyo Olympics bronze medalist Eumir Felix Marcial, at mga dating world champions na sina Mark “Magnifico” Magsayo at Jerwin “Pretty Boy” Ancajas at ang panganay na anak ni Manny na si Emmanuel “Jimuel” Pacquiao, Jr. na magde-debut sa professional fight.
