NLEX, Blackwater panalo sa pagbubukas ng Kadayawan Tournament
6
June Mar Fajardo, tatanggap ng parangal sa PSA-SMC Awards Night
Rico Lucero
Tatanggap ng special distinction award ang PBA player at 8th-time MVP Player na si June Mar Fajardo sa isasagawang 2024 San Miguel Corporation-Philippine Sportswriters Association (SMC-PSA) Annual Awards Night, sa January 27, Lunes, sa Manila Hotel.
Magugunitang noong nakaraang taon ay tumanggap rin ng naturang parangal ang Gilas Pilipinas dahil sa mga achievement nito sa larangan ng Basketball.
Sa ngayon si June Mar Fajardo ang may hawak ng may pinakamaraming MVP titles kung saan siya mismo ang sumira ng sarili niyang record matapos makuha ang pang walong PBA MVP award, kung saan tinulungan nito ang San Miguel na masungkit ang Commissioner’s Cup crown noong nakaraang season.
Bahagi rin si Fajardo ng Gilas Pilipinas team na umabot sa semifinals ng FIBA Olympic Qualifying Tournament sa Riga, Latvia, at noong Nobyembre ng nakaraang taon ay tinalo ng national team ang New Zealand at ang Hong Kong.
Bukod kay Fajardo, bibigyan din ng parangal si Kevin Quiambao ng De La Salle Green Archers kung saan malaki din ang naiambag nito sa larong basketball lalo na nang makuha nito ang back-to-back UAAP finals appearances, at MVP sa magkasunod na taon.
