Pedro Taduran, dedepensahan ang kaniyang titulong IBF vs. Ginjiro Shigeoka
2
Jordan Heading, nakuha ng Converge FiberXers
Juan Karlo Libunao (JKL)
Maglalaro na ang Filipino-Australian guard na si Jordan Heading sa Philippine Basketball Association (PBA) sa pagsisimula ng Season 49 Commissioner's Cup.
Nakuha ng Converge FiberXers ang 6-foot-2 na guard nang makipag-trade sila sa Terrafirma Dyip kapalit nina Aljun Melecio, Keith Zaldivar, at ang kanilang future first-round pick sa PBA Season 51 Rookie Draft.
Ayon kay Converge assistant coach Charles Tiu, excited siyang makasama ulit si Heading na naging player niya sa international competitions, kabilang na ang paglalaro nito sa Strong Group Athletics kung saan nakuha nila ang gintong medalya sa 43rd William Jones Cup.
“It feels great to be reunited with Jordan,” pagbabahagi ni Tiu sa isang interview.
“He’s been one of my go-to guys with Strong Group, especially during our campaigns in Dubai and the Jones Cup. Having him on the team brings a lot of confidence—he knows what it takes to win and how to make big plays when it matters,” dagdag ni Tiu.
“After the Jones Cup, I was talking to him about how much I wanted to work with him again.”
“Big credit to our management and Gov. Archen Cayabyab for making the deal happen. They put in the work to bring Jordan here, and we’re all thrilled to have him join Converge,” pagtatapos ni Tiu.
Si Heading ang first overall pick ng Gilas special draft noong 2020.
Ngunit hindi siya nakapaglaro sa PBA sapagkat mas pinili niyang maglaro sa labas ng bansa. Naging bahagi siya ng T1 club Taiching Wagor noong 2021-22 season bago napunta sa B.League at kalaunan ay naglaro sa Nagasaki.
Samantala, si Melecio ay isa sa mga manlalarong kinuha ni dating coach FiberXers Aldin Ayo via trade at naglaro ito sa Converge sa loob ng dalawang taon, habang si Zaldivar naman ay nakuha ng koponan mula sa free agent signing noong nakaraang taon.
