Unang MVP trophy ni Fajardo ipapasubasta para sa mga biktima ng Tino
40
EJ Obiena wagi ng Gold medal sa Metz Moselle Athletor tournament
Rico Lucero
Nasungkit ni EJ Obiena ang gintong medalya matapos maghari sa Meeting Metz Moselle Athlelor nitong Sabado, Perero 8.
Nairehistro ni Obiena ang 5.70 metro para maisiguro ang kanyang unang gintong medalya para sa taong ito, kung saan tinalo ni Obiena si Menno Vloon ng Netherlands na nagtala ng parehong 5.70m.
Ang nasabing panalo ay isang linggo matapos naman makamit ni Obiena ang silver medal sa Jump Meeting Cottbus 2025 sa Germany.
Sinubukan pa ni Obiena na makuha ang 5.85m ngunit bigo ito sa kanyang tatlong pagsubok.
Samantala, nakuha naman ni Christopher Nilsen ng Amerika ang silver medal matapos makapagtala ng 5.60m jump.
Matatandaang isa si Obiena sa mga Pinoy athletes na sumabak sa 2024 Paris Olympics kung saan bigo itong makapag uwi ng medalya.
Pinagharian din ni Obiena ang Istaf Indoor noong nakaraang taon kung saan nagtala ito ng 5.93m na siyang bagong Asian indoor record.
