PBA: Unang panalo nasungkit ng Barangay Ginebra vs. Road Warriors

Naging matagumpay ang unang laro ng Barangay Ginebra Kings kontra NLEX Road Warriors nitong Miyerkules ng gabi, December 11, sa pagpapatuloy ng PBA Season 49 Commissioner’s Cup, 109-100. 

Pinangunahan ni Stephen Holt ang laro kung saan nagtala ito ng 26 points, na sinundan ni Justin Brownlee ng may 24 points at 12 rebounds, habang si Japeth Aguilar ay nagdagdag naman ng 15. 

Ito naman ang unang pagsabak ni Troy Rosario para sa Gin Kings kung saan nakapag-ambag ito ng nine markers, at seven boards, bagama't 4-for-11 lamang ang kanyang na-shoot mula sa field.

“We weren’t as tight as we would like to have been, but we had a good shooting night. That makes up a lot of execution mistakes when you can shoot the ball well,” saad ni Ginebra coach Tim Cone.

"He gets everybody back to comfortable positions. Troy coming in and playing the 4 and 3 positions allows Justin (Brownlee) on the opposite side and takes off some of the load in rebounding," dagdag pa ni Cone 

Samantala, nasayang ang nagawang 27 points at 21 rebounds ni Mike Griffin-Watkins na nanguna sa laro ng NLEX, gayundin ang 18 points ni Robert Bolick, 14 points ni Kevin Alas at 11 points ni Enoch Valdez. 

Ang mga Iskor:

GINEBRA 109 – Holt 26, Brownlee 24, J.Aguilar 15, Ahanmisi 13, Rosario 9, Thompson 8, Abarrientos 6, Cu 6, Adamos 2, Pinto 0

NLEX 100 – Watkins 27, Bolick 18, Alas 14, Policarpio 13, Valdez 11, Torres 5, Semerad 4, Herndon 4, Rodger 2, Bahio 2, Mocon 0

QUARTERS  : 20-22, 42-43, 78-66, 109-100.