Mga hamon, pagsubok at tagumpay na pinagdaanan ng Volleybukids
13
UST mentor Haydee Ong itinalagang komisyoner ng WMPBL
Rico Lucero
Tinanggap na ni Haydee Ong ang bagong tungkulin bilang commissioner ng bagong tatag na Women’s Maharlika Pilipinas Basketball League (WMPBL).
Si Ong ang batikang mentor ng University of Santo Tomas Growling Tigresses ang siyang tumapos sa pamamayagpag ng National University Lady Bulldogs bilang UAAP Women’s Basketball champion, ay makikibahagi sa pagsasaayos ng mga plano para iangat ang women’s basketball sa susunod na lebel.
Magsisimula ang WMPBL sa Enero 19, 2025, kung saan ang FilOil EcoOil Center sa San Juan ang magsisilbing tahanan nito.
Kabilang sa mga plano ng bagong talagang commissioner para sa unang season ng liga ay ang tampok na walo hanggang sampung koponan na binubuo ng apat na UAAP squads at ang natitirang mga koponan ay magmumula sa LGU-based groups.
“It is because of my passion for women's basketball. I think that's the reason why I accepted it, to give a platform for women's basketball after college,” sabi ni Ong.
Positibo rin si Ong na ang mga babaeng katapat ng MPBL, ay magbubukas ng mga bagong prospect para sa mga babaeng manlalaro sa bansa at magsisilbing springboard patungo sa Gilas Women program.
"Siyempre, the more tournaments or the more leagues like this, the more we can develop for the women's national team. So, that's the bottom line why I accepted the job," ani Ong.
Inaasahan ng UST head coach na walang kahirapan sa pag-juggling sa kanyang dalawang tungkulin dahil kumpleto na ang suporta niya mula sa kanyang management. Sa kabila ng kanyang bagong assignment, patuloy na magko-concentrate si Ong sa Growling Tigresses, ang defending champion sa UAAP women’s basketball.
"I think it will not be difficult for me because the MPBL actually has a structure in their organization. Everyone is provided there, including table officials. So, my job is really to get the technical ones, the referees to officiate. At the same time, filter out the teams that will participate for this inaugural WMPBL," dagdag pa ni Ong.
Isa ang UST sa mga team na sasabak sa WMPBL, ngunit hindi si Ong ang magco-coach sa Tigresses, sa halip ay ipapaubaya niya ang tungkulin kina Allana Lim at Arsenio Dysangco.
Ang pangunahing prayoridad ngayon ni Ong at ng kanyang Growling Tigresses ay ang mapanatili ang titulo ng UAAP sa Season 87.
Samantala, makakaharap ng UST ang NU Lady Bulldogs sa inaabangang rematch ng Finals noong nakaraang taon na nakatakda sa Nobyembre 6, Miyerkules, sa SM Mall of Asia Arena.
