Mga hamon, pagsubok at tagumpay na pinagdaanan ng Volleybukids
13
Three-game sweep nasungkit ng Barangay Ginebra vs. Meralco Bolts
Rico Lucero
Tuluyan nang inangkin ng Gin Kings ang three-game sweep ng series kontra Meralco Bolts, 113-106, sa Game 3 ng quarter finals sa Ninoy Aquino Stadium nitong Lunes ng gabi.
Dahil dito, nakamit ng Barangay Ginebra ang unang ticket patungong semis.
Umarangkada sa paghahatid ng puntos si Justin Brownlee na kumamada ng 23 points, 4 rebounds, at 3 assists, kasama na ang magkapares na 4 points sa pagsisimula ng fourth quarter.
Hindi naman makapaniwala si Ginebra coach Tim Cone sa naging performance ng kanyang mga players upang makuha ang three straight wins. Ayon pa kay Cone, na-lock-in na umano nina Stephen Holt, RJ Abarrientos, Japeth Aguilar, at Scottie Thompson ang kanilang mga sarili sa Game 3 at nagtulung-tulong na ang mga ito para masungkit at matiyak ang panalo ng kanilang koponan.
“I’m totally shocked that we were able to beat them in three straight games,” ayon kay Cone.
“They really locked in. It was amazing to watch and to see them really reach deep from within themselves to pull that game out.” dagdag pa niya.
Samantala, makakaharap na ng Gin Kings ang sinumang mananalo sa pagitan ng San Miguel Beermen at Converge FiberXers.
Matatandaang, nakalasap na rin ng mga pagkatalo ang Meralco Bolts sa kamay ng Barangay Ginebra noong mga taong 2016, 2017, at 2019 editions ng PBA Governors’ Cup.
The Scores
Barangay Ginebra 113 – Brownlee 23, Holt 19, J.Aguilar 19, Abarrientos 17, Ahanmisi 17, Thompson 16, Devance 2, Cu 0, R.Aguilar 0, Pessumal 0.
Meralco 106 – Durham 38, Quinto 19, Newsome 14, Banchero 10, Hodge 10, Caram 7, Bates 4, Rios 2, Mendoza 2, Pascual 0.
Quarters : 28-27, 47-56, 83-72, 113-106.
