Pedro Taduran, dedepensahan ang kaniyang titulong IBF vs. Ginjiro Shigeoka
2
Pinay swimmer nasungkit ang apat na gintong medalya sa 11th BIMP-EAGA Friendship Games
Rico Lucero
Nasungkit ni UAAP Season 86 Athlete of the Year Quendy Fernandez ang apat na gintong medalya sa 11th BIMP-EAGA Friendship Games na ginaganap sa Ramon V. Mitra Sports Complex sa Puerto Princesa City, Palawan.
Hindi ininda ng 19-anyos na University of the Philippines student ang init para pagreynahan nito ang women’s 100m backstroke sa bilis na isang minuto at 7.21 segundo.
Naungusan ni Fernandez si Lora Micah Amoguis na nakakuha lamang ng silver medal hawak ang 1:10.53 gayundin si Jann Maureen Doton na naorasan ng 1:18.42 na nakakuha naman ng bronze medal.
Ayon kay Fernandez, masaya itong naranasan ang ganitong uri ng competition kung saan ito natutong lumangoy at lumaban sa mga international competition. Umaasa din si Fernandez na madaragdagan pa ang kanyang mga mapapanalunang medalya sa mga susunod niyang pagsali sa mga swimming competition.
“It’s a fun experience kasi dito po ako nagco-compete kung saan ako lumaki, and dito rin po ako natuto lumangoy from kinder palang dito nako nagsi-swim, lalo na nandito pa ako sa international competition,” ani Fernandez.
“Sobrang malaking boost po sa akin na makita ko po yung mga familiar faces. It just really brings so much joy and energy. Hopefully, madagdagan ko pa po yung mga medals ko,” dagdag ni Fernandez.
Matatandaang una nang nakasungkit ng gintong medalya si Fernandez sa 4x50 girls’ 200m medley at freestyle relays at sa 50m backstroke. May silver medal din ito para sa 4x100 400m freestyle.noong Lunes, Disyembre 2.
