Unang MVP trophy ni Fajardo ipapasubasta para sa mga biktima ng Tino
7
PBA: Hotshots import na si Ratliffe, nagpakitang gilas agad kontra Blackwater
Rico Lucero
Nagpakitang gilas agad ang import ng Magnolia na si Ricardo Ratliffe para masungkit ang kanilang unang panalo sa Season 49 ng PBA Commissioner's Cup nitong Huwebes ng gabi, Nobyembre 28, sa Ninoy Aquino Stadium.
Pinangunahan ng 35-anyos na si Ratliffe ang Hotshots kung saan nagtala ito ng 30 points, 18 rebounds, at limang assist para madala sa 118 ang kanilang score kontra Blackwater Bossing.
Nakapagtapos si Maverick Ahanmisi ng 21 markers habang si Mark Barroca ay nakapagtala ng 15 points at nakapag-ambag naman si Zavier Lucero ng 13 markers.
Samantala, hindi na natapos ni Calvin Abueva ang laro dahil sa tinamo nitong injury sa leeg, matapos tamaan ng siko ni Sedrick Barefield sa second quarter.
Aminado si Hotshots coach Chito Victolero na malaking kawalan si Abueva sa kanila subalit kailangan nilang panatilihin ang momerntum ng laro para hindi masayang ang kanilang mga pagpapagal.
“We used that para yung energy namin lalong tumaas. Sabi ko lang sa kanila, let’s play for Calvin. And I think nag-respond naman yung mga boys,” ani coach Victolero.
Sa Linggo, December 1, haharapin ng Hotshots ang FiberXers kung saan inaasahan ni coach Victolero na makakapag-larong muli si Abueva.
“Hopefully, madi-discharge na siya. Parang whiplash lang, so medyo nag-tight lang siya. But he’s OK. Hopefully, by our next game on Sunday, makalaro na rin si Calvin. He’s also a big factor for us,” dagdag pa ni Victolero.
Samantala, tulad ng inaasahan, hindi binigo ni George King ang Blackwater kahit hindi sila nanalo kontra Hotshots kung saan nagpaputok ito ng 42 puntos para pangunahan ang Blackwater.
Ang mga Iskor:
MAGNOLIA 118 - Ratliffe 30, Ahanmisi 21, Barroca 15, Lucero 13, Lastimosa 9, Lee 9, Dela Rosa 8, Dionisio 6, Sangalang 3, Abueva 2, Balanza 2, Laput 0, Eriobu 0, Mendoza 0
BLACKWATER 100 - King 42, Barefield 24, David 8, Chua 6, Tungcab 4, Kwekuteye 3, Ponferrada 3, Hill 3, Guinto 2, Corteza 2, Montalbo 2, Suerte 1, Ilagan 0, Escoto 0, Jopia 0
QUARTERS: 29-27, 50-41, 82-69, 118-100
