Pagho-host ng International pole vault event ni Obiena kanselado na

Dahil sa tinamong injury sa nagdaang pole vault event, ipinasya na ni Olympian pole vaulter EJ Obiena na kanselahin na ang International pole vault event sa bansa na kanyang pangungunahan.

Ani Obiena, ipapalit na lamang sa naturang event ay ang meet and greet event na isasagawa sa Setyembre 15 sa Ayala Malls Manila Bay. 

Matatandaang sa unang plano ay isasagawa sana sa bansa ang Philippine International Pole Vault challenge sa Makati sa darating na Setyembre 20. 

Isasagawa pa rin sa susunod na taon ang Philippine International Pole Vault challenge para bigyang daan muna ang pagpapagaling ni Obiena sa tinamo nitong injury sa katatapos na pole vault competition kamakailan.