Pedro Taduran, dedepensahan ang kaniyang titulong IBF vs. Ginjiro Shigeoka
2
Olympics host country na France, pasok na sa semi finals ng men’s basketball
Pasok na rin sa semi finals ng men’s basketball ang host country na France matapos na talunin nito ang Canada sa score na 82-73.
Umpisa pa lang ng laban ay halos dominado na ng France ang laban.
Sa higpit din ng depensa ng France at sunod-sunod na puntos ay lamang agad sila sa score na 19-5.
Pinilit ng Canada na humabol ng puntos at halos maging dikit na ang score subalit nang magpakawala ng puntos si Fournier, hindi na nagawa pang makahabol ng Canada.
Nanguna sa panalo ng France si Guerchon Yabusele na nakapagtala ng 22 points habang 20 points naman ang naiambag ni Isaia Cordinier.
Sinabi naman ni France Guard Evan Fournier, sisiguraduhin nila at umaasa sa pagkakataong ito na tamang medalya ang kanilang mapapanalunan sa Olympics.
"Make sure we give ourselves a chance to win a medal and hopefully it's going to be for the right one." ani Fournier.
Haharapin naman ng France sa semi finals ang Germany.
