Pedro Taduran, dedepensahan ang kaniyang titulong IBF vs. Ginjiro Shigeoka
2
Magnolia, itinabla ang serye laban sa Rain or Shine
Rico Lucero
Itinabla na ng Magnolia Hotshots ang kanilang serye kontra Rain or Shine matapos tamabkan ang Elasto Painters, 129-100 sa Game 4 ng PBA Season 49 Governors’ Cup quarter finals nitong Martes ng gabi sa Ninoy Aquino Stadium.
Sa simula ng laban ay nagpakita ng aggressiveness ang Elasto Painters kung saan bumanat agad ng mga puntos sina Aaron Fuller, Gian Mamuyac at Jhonard Clarito, subalit hindi na pinaporma ng Magnolia ang RoS nang makuha ang 26-all na iskor sa pagtatapos ng unang yugto hanggang sa umarangkada at tinambakan ang Elasto Painters sa huli.
Bumanat ng 30 points si Jabari Bird habang si Paul Lee naman ay mayroong 25 points kung saan ay naka tatlong four-point shots ito para pangunahan ang Magnolia. Nagdagdag naman si Jerrick Ahanmisi ng 14 points at may tig-10 points sina Mark Barroca at Ian Sangalang.
Samantala, nagpasalamat si Magnolia coach Chito Victolero sa kanyang mga manlalaro dahil sa naka-focus ang mga ito sa paglalaro. Naniwala rin siya sa kanilang mga kakayahan para maipanalo ang laban kontra Elasto Painters upang ma-pwersa ang Game 5 na gaganapi sa Sabado sa Ynares Center, Antipolo.
"[I'm] thankful to the players because of the mindset, because of the focus. And nando'n sa board ko eh, sa start ng pre-game namin—it's all about believing. In order for us to win the war, we need to grind for 53 minutes. My players [were] so focused and they wanted to have another chance on Saturday," ani Victolero.
Nanguna naman sa laro ng Rain or Shine si Fuller na may 22 points at 10 rebounds, kasunod si Clarito na may 15 points, habang may tig-11 points naman sina Beau Belga, Adrian Nocum at Andrei Caracut, si Mamuyac naman ay mayroong 10.
The Scores:
MAGNOLIA 129 – Bird 30, Lee 25, Ahanmisi 14, Barroca 10, Sangalang 10, Abueva 9, Dionisio 9, Dela Rosa 9, Mendoza 8, Eriobu 5, Laput 0
RAIN OR SHINE 100 – Fuller 22, Clarito 15, Belga 11, Nocum 11, Caracut 11, Mamuyac 10, Aistio 5, Santillan 4, Tiongson 4, Ildefonso 4, Datu 2, Lemetti 1, Norwood 0
QUARTERS: 26-26, 62-44, 99-79, 129-100.
