PBA: Ikalawang sunod na panalo nasungkit ng Tropang Giga
3
Gilas Pilipinas Women sasabak na sa Pre-Qualifying Tournament
Jet Hilario
Sasabak na ang Gilas Pilipinas Women sa Pre-Qualifying Tournament sa Kigali, Rwanda.
Ang Gilas Pilipinas Women ay pangungunahan nina 2023 FIBA Women’s Asia Cup leading scorer Afril Bernardino, Jack Animam at Janine Pontejos.
Ang iba pang bumubuo sa Gilas Women’s BAsketball team ni coach Patrick Aquino ay sina Khate Castillo, Stefanie Berberabe, Afril Bernardino, Lounia Ozar, Camille Nolasco, Kacey dela Rosa, Ella Fajardo, Kristian Yumul at Naomi Panganiban.
Bago ang pre-qualifiers ay lumaban muna ang Gilas Women sa nakaraang 43rd William Jones Cup kung saan nakuha nila ang fourth place.
Lumahok din ang Gilas Women’s sa Pinoy Liga Cup bago magtungo sa Baguio City para sa training camp.
Kasama ng Pilipinas, ang World No. 40 team, sa Group C ng Pre-Qualifying Tournament ang World No. 8 Brazil, World No. 16 Hungary at World No. 25 Senegal.
Unang lalabanan ng Gilas Pilipinas Women ang Brazil kasunod ang Hungary at Senegal.
Ang mananalo sa nasabing pre-qualifying tournament sa Rwanda ang siyang makakakuha ng tiket para sa Women’s World Cup 2026 FIBA Qualifying Tournament.
