Mga hamon, pagsubok at tagumpay na pinagdaanan ng Volleybukids
13
Falcons at Lady Bulldogs may mga bago nang coaches.
Jet Hilario
Pangungunahan na ni Sherwin Meneses ang NU Lady Bulldog matapos na magkaroon ng balasahan ang NU women’s volleyball team.
Si Menses na ang magiging bagong head coach ng Lady Bulldog dahil sa mga naitulong at ambag nito noong hawak pa niya ang multi-champion Creamline Cool Smashers sa PVL.
Dedepensahan ng Lady Bulldogs ang kanilang korona sa UAAP Season 87 ng women's volleyball tournament sa susunod na taon.
Hindi naman ito ang unang pagkakataon na hahawak si Meneses ng collegiate team.
Matatandaang una na itong naging head coach ng Adamson University sa UAAP mula noong 2012 hanggang 2016,
Samantala, papalitan ni Meneses sa Lady Bulldogs si dating head coach Norman Miguel.
Bago na rin ang head coach ng Adamson University Falcons.
Ito ay sa katauhan ni dating national men’s team libero na si Raffy Mosuela.
Lumagda na sa tatlong taong kontrata si Mosuela para pangunahan ang Adamson University sa 87th UAAP 2024-25 men’s volleyball tournament.
Hawak ni Mosuela dati ang Nxled Chameleons sa PVL.
