Exclusive: Aaron Fuller, itinuturing na mandirigma ng Rain or Shine

Rico Lucero

Maituturing na isang simpleng tao si Aaron Fuller, na mula sa Mesa, Arizona. Nagsimula ang kanyang karera sa paglalaro ng basketball noong mga unang taon niya sa kolehiyo sa University of Iowa at University of California bago siya naging propesyonal na manlalaro kung saan naglaro siya sa Portugal, New Zealand at Mexico, at kalaunan sa Pilipinas. 

Noong 2017, nagdesisyon  si Fuller na maglaro ng basketball sa Pilipinas kung saan pumirma siya ng kontrata sa NLEX Road Warriors bilang import para sa 2017 PBA Governors’ Cup kung saan nag-average siya ng 22.6 points 17.7 rebounds, 1.5 assists, 1.6 steals at 1.5 blocks sa 11 na laro. 

Pagkaraan ng isang taon, muling naging bahagi si Fuller ng NLEX Road Warriors noong Agosto para sa 2018 PBA Governors' Cup bilang kapalit ni Olu Ashaolu na nagkaraoon ng injury. Naglaro din si Fuller para sa Blackwater Elite noong 2019 at sa TNT Tropang Giga noong 2021-2022. 

Nitong Hulyo 2024, bumalik si Fuller sa Pilipinas sa ikalimang pagkakataon, upang maglaro naman bilang import ng Rain or Shine Elasto Painters sa PBA Season 49 Governors' Cup. Ito ang ikaapat na koponan ni Fuller sa PBA, kung saan nakasama na rin niya si coach Yeng Guiao na naging mentor na niya noong nasa NLEX pa ito.

Sa eksklusibong panayam ng Laro Pilipinas, binanggit ni Rain or Shine coach Yeng Guiao na si Aaron Fuller ang tipo ng kanilang import na simple at tahimik na tao, hindi pasikat o marangya. 

Malaki rin ang tiwala ni Guiao kay Fuller sa pagsunod sa mga tuntunin at sistema ng koponan lalo na ang pagiging maagap at reaktibo. Naniniwala rin siya na ang kanyang import ay palaging makakapag-ambag pagdating sa aspeto ng opensa, dahil nakakagawa si Fuller ng humigit-kumulang 20 puntos, 15-20 sa rebounding at nakakapaglaro din ito ng may mahigpit na depensa, bukod pa sa mayroon siyang malakas na pangangatawan. 

“Solid na solid ng import namin. Hindi siya flashy, hindi siya masyadong masalita, tahimik lang siya. Maasahan mo siya. May solid offensive game siya, may (games) na 20 ang mai-contribute niya, at kaya niyang dumipensa sa laro. Kaya niyang magbigay ng 15-20 rebounds. Hindi mo siya kayang atrasan dahil malakas din ang pangangatawan niya” patungkol ni Guiao kay Fuller 

Dagdag pa ni Guiao, advantage sa kanilang team na mayroon silang import na tulad ni Fuller na may magandang chemistry sa iba niyang local players, at sobrang gusto siya ng kanyang mga kasamahan.  

“Gusto siya ng mga teammates niya. Malaking factor kapag maganda ang chemistry ng import mo sa locals,” dagdag ni coach Yeng. 

Ang kanyang co-player forward na si Jhonard Clarito ay inilarawan siya bilang isang napakabait na import at alam kung paano makitungo at makisama sa iba pang mga manlalaro lalo na sa kanyang sariling mga kasamahan sa koponan.  

“Yung import namin na si Aaron, napakabait niya at marunong makisama sa amin,” ani Clarito.  

Para naman sa ibang manlalaro, nakikita nila si Fuller na isang energetic import at nakakapagbigay inspirasyon sa kanyang koponan kung kaya muli siyang pinili ni CYG. Hindi nag-alinlangan na sumugal si coach Yeng sa kakayanan ni Fuller kaya’t sa simula't simula ng kumperensya ay naging bahagi na ito ng Rain or Shine Elasto Painters. 

Si Fuller ay isang magandang halimbawa ng isang manlalaro na may diwa ng isang mandirigma na puno ng lakas ng loob at isang malaking ‘source of inspiration’ sa kanyang mga teammates lalo pa’t buong puso itong maglaro para sa kanyang koponan. 

AVC Beach Tour 2nd Nuvali Open, opisyal nang umarangkada

RancelVargaJamesBuytragoKatEpaHoneyGraceCorderoAlasPilipinasBeachVolleyball
11
Read more

Creamline Cool Smashers reresbak sa Akari Chargers bukas

AlyssaValdezCreamlineCoolSmashersVolleyball
12
Read more

Jerusalem, napanatili ang WBC title kontra kay Shigeoka

MelvinJerusalemSanManBoxing
7
Read more

Tropang Giga, buhay pa ang tsansa para sa matinding Game 7

ReyNambatacCalvinOftanaPoyErramChotReyesRondaeHollis-JeffersonTNTTropangGigaBarangayGinebraSanMiguelBasketball
9
Read more

Melvin Jerusalem, target ang KO victory kontra Shigeoka ng Japan

MelvinJerusalemYudaiShigeokaPhilippinesBoxing
7
Read more

Kenneth Llover, nasikwat ang OPBF Bantamweight title vs. Kurihara

KennethLloverPhilippineBoxingBoxing
8
Read more

TNT Tropang Giga nadiskaril sa Game 5 kontra Barangay Ginebra

CalvinOftanaPoyErramJustinBrownleeChotReyesTNTTropangGigaBarangayGinebraSanMiguelBasketball
10
Read more

Game 3 win nasungkit ng Tropang Giga laban sa Barangay Ginebra

ReyNambatacGlennKhobuntinCalvinOftanaRRPogoyTNTTropangGigaBarangayGinebraSanMiguelBasketballPBA
9
Read more

16th Asian Lawn Bowls Championships, gaganapin sa bansa sa Abril

RonalynRedimaGreenleesRodelLabayoRositaBradbornPhilippineLawnBowlsLawnBowl
8
Read more

Martin, sasabak sa non-title super bantamweight sa Linggo

CarlJammesMartinPhilippineBoxing
11
Read more

Grassroots program nais palakasin ng Philippine Aquatics Inc.

EricBuhainKylaSanchezPhilippineAquaticsPhilippineSportsCommissionPSCSwimming
10
Read more

Pinoy basketball referee, kabilang sa elite level ng FIBA

GlennCornelioFIBAAsiaCupEastAsiaSuperLeagueBasketball
8
Read more

Joseph Javiniar wagi sa Road Cycling Elite Criterium event

JosephJaviniarRoadCyclingEliteCriteriumCycling
28
Read more

Gilas Pilipnas tututukan naman ang pagsali sa FIBA Asia Cup

JustinBrownleeJapethAguilarMasonAmosAJEduCalvinOftanaGilasPilipinasFIBAAsiaCupBasketball
19
Read more