Algerian Boxer Imane Khelif pasok na sa semi finals

Pagkatapos ulanin ng mga batikos at negatibong komento, sa wakas, pasok na sa semi finals ang Algerian boxer na si Imane Khelif. 

Ito ay matapos na matalo niya ang kaniyang kalabang Thai na si 2023 world silver medallist Janjaem Suwannapheng via unanimous decision sa kanilang women’s 66kg category. 

Sa pagpasok pa lang ni Khelif sa arena ay ugong at hiyawan na ang sumalubong sa kaniya ng mga manonood. 

Naging agresibo pa rin ang Alegerian boxer sa pagpapakawala ng mga suntok nito hanggang sa tuluyan na nitong nagapi ang kalaban. 

Pagkatapos ng laban ay nagkamay ang dalawang manlalaro at hindi napigilan ni Khelif na mapasayaw sa loob ng boxing ring dahil sa tuwa. 

Sunod na makakaharap ng Algerian boxer ay si Yang Liu ng China at dito malalaman kung ang maiuuwi niya ay gold o silver medal.