Alex Eala abanse na sa Round 2 ng US Open Qualifier

Nakuha ni Filipina Tennis Player Alex Eala ang kanyang unang panalo sa US Open qualifiers sa New York sa tatlong set na tagumpay para simulan ang kanyang kampanya.

Mula sa back-to-back quarter finals appearances sa dalawang US tournaments, tinalo ni Eala  si Maddison Inglis ng Australia sa unang qualifying match, sa score na 6-3, 2-6, 6-1.

Ang panalo ni Eala ay nagbigay sa kanya ng matinding hamon laban kay 15th-seeded Nuria Parrizas-Diaz ng Spain sa ikalawang round ng qualifiers sa  Huwebes, Agosto 22 (oras sa Maynila).

Ito na  ang huling pagkakataon ni Eala ngayong taon para  maging kwalipikado sa main draw ng isang pro Grand Slam tournament.