NEWS AND INTERVIEWS

Creamline Cool Smashers reresbak sa Akari Chargers bukas

Determinado si Alyssa Valdez at ang 10-time champion Creamline Cool Smashers na makabawi matapos malasap ang kanilang unang talo sa semifinal round ng Premier Volleyball League All-Filipino Conference nitong Sabado, March 29, 2025, sa Ynares Center, Antipolo City, kontra Petro Gazz Angels, 23-25, 22-25, 25-21, 16-25.Sa Martes, target ng Creamline na makuha ang panalo at resbakan ang Akari Chargers.Ayon kay Valdez, team captain ng Creamline, kailangan umano nilang kalimutan ang lahat sa natamong pagkatalo noong Sabado at ituon ang pansin sa susunod na laban.“We’ll prepare and let’s see on Tuesday. It was a tough loss, but I guess it’s not the ideal way to start the semifinals series. The coaches reminded us that it happened already, and we have to let it go because our next games are just as important,” ani Valdez.Sa kanilang laban kontra Petro Gazz, nakapagtala si Valdez ng 10 points, 10 digs, at 10 receptions. Mas kaunti rin ang errors ng Creamline kumpara sa Petro Gazz (19-24).Lumamang nang husto ang Angels sa blocking, kung saan hawak nito ang 13 blocks kumpara sa tatlong nagawa ng Cool Smashers.Naungusan din ng Petro Gazz ang Creamline sa attacks, na may 59 kontra 53 na bentahe.Sa kabila ng pagkatalo, tiwala si Valdez na kailangang gumawa ng paraan ang Creamline upang mapanatiling buhay ang kanilang kampanya sa conference na ito.“It’s not the start we wanted, but the challenge is very big—and accepted. We put ourselves in this situation, so we have to find a way if we really want to keep our season alive,” dagdag ni Valdez.
AlyssaValdezCreamlineCoolSmashersVolleyball
7
Read more

Jerusalem, napanatili ang WBC title kontra kay Shigeoka

Napaluhod sa tuwa si Filipino boxing champion Melvin Jerusalem matapos mapanatili nito ang kaniyang World Boxing Council minimumweight title laban kay Yudai Shigeoka sa pamamagitan ng unanimous decision sa kanilang rematch noong Linggo, Marso 30, sa Aichi Sky Expo sa Nagoya, Japan.Una nang nanalo si Jerusalem ng titulo noong nakaraang taon laban kay Shigeoka sa Japan sa pamamagitan ng split decision.Ngunit sa pagkakataong ito, mas nangingibabaw ang Pinoy boxer, kung saan ang tatlong hurado sa laban ay pumabor sa kanya sa pamamagitan ng mga iskor na 118-110, 119-109 at 116-112.Ito na ang pangalawang beses na nagkaharap ang dalawang boksingero kung saan parehas na tinalo ng 31-anyos na si Jerusalem ang kalabang Hapones.At tulad ng kanilang unang laban, muling nagpaulan ng suntok at kumbinasyon si Jerusalem, na nagresulta sa pagbagsak ng kanyang kalaban sa ikatlong round.Patuloy niyang pinananatili ang pressure sa kalaban, na muling bumagsak sa ika-anim na round. Hanggang sa huling round, hindi bumagal si Jerusalem, habang si Shigeoka naman ay nagpupumilit makapagpatama ng kanyang mga suntok.Hindi tulad ng unang laban, walang knockdowns sa pagkakataong ito ngunit ang dominasyon ay ipinakita pa rin ng 31-anyos na kampeon.Dahil sa panalo, mayroon na itong 24 na panalo, kung saan 12 sa mga panalo nito ay knockout at tatlong talo, habang si Shigeoka naman ay mayroong siyam na panalo kung saan lima sa mga ito ay knockout at 2 talo. Samantala, maaaring ang susunod na laban naman ni Jerusalem ay ang rematch nito kay Oscar Collazo ng Puerto Rico kung saan sa ikapitong round ay nabigo ang Pinoy boxer ng umakyat ito ng timbang sa 105 pound class.Matatandaang isa rin sa mga tinalo ni Jerusalem ay ang  Mexican challenger na si Luis Castillo noong nakaraang Setyembre sa Mandaluyong.
MelvinJerusalemSanManBoxing
5
Read more

Tropang Giga, buhay pa ang tsansa para sa matinding Game 7

Tila nabunutan ng tinik sa dibdib ang TNT Tropang Giga matapos nitong makuha ang panalo sa Game 6 kontra Barangay Ginebra, 87-83, para itabla sa 3-3 PBA Season 49 Commissio­ner’s Cup championship series kagabi, Miyerkules, March 26, sa Smart Araneta Coliseum.Ikinatuwa din ni TNT head coach Chot Reyes ang kanilang pagkapanalo at binigyang pugay naman ang kanyang mga manalalaro na aniya ay ginawa ang lahat para makuha ang panalo kagabi. “I said let’s just grab this opportunity. Go out there and play hard. If we lose, we lose but at least we’re not going to go down without a fight. Credit to the guys, they just gave it all,” ani coach Reyes.Sa unang bahagi ng laro, kontrolado ng Gin Kings ang kalamangan. Gayunpaman, pagsapit ng second half, unti-unting bumawi ang TNT hanggang sa tuluyang maagaw ang pangunguna, lalo na sa third quarter. Dito, nagtayo ang Tropang Giga ng 10-point lead, 72-62, sa natitirang 8:46 minuto ng huling quarter. Gayunman, hindi nagpatinag ang Ginebra at muling nakabalik sa laban.Sa natitirang 45.1 segundo ng laro, naibuslo ni TNT import Rondae Hollis-Jefferson ang dalawang free throws upang itulak ang Tropang Giga sa 82-79 na kalamangan. Gayunpaman, hindi sumuko ang Gin Kings, at sa huling 10.5 segundo, lumapit sila sa 83-85 matapos ang isang three-point shot mula kay Scottie Thompson.Nanguna sa panalo ng Tropang Giga si Hollis-Jefferson na nagtala ng 23 puntos, 13 rebounds, anim na assists, at tatlong steals. Samantala, itinanghal namang Best Player of the Game si Rey Nambatac matapos mag-ambag ng 23 puntos, limang rebounds, at tatlong steals.Sa kabila ng pagkatalo, pinuri ni Gin Kings head coach Tim Cone ang TNT sa ipinamalas nilang matibay at mahusay na laro sa Game 6 matchup.“TNT was just better at it than we were tonight. But again, tonight they were better at it than we were. We played the game we wanted, but they were just better at it than we were tonight. They made big shots, they made big stops, forced turnovers on us. And we tried to stay in the game,"  ani Cone. 
ReyNambatacCalvinOftanaPoyErramChotReyesRondaeHollis-JeffersonTNTTropangGigaBarangayGinebraSanMiguelBasketball
9
Read more

BLOG

For some, sports betting is a means of entertainment, for others it is a way to earn extra money. However, few people are able to correctly predict the outcome of a sporting event, and these people are called professional betting players.

This section publishes articles by experienced betting players, as well as many other interesting materials for those who want to learn how to bet on sports and succeed in this.

Ang tagumpay ng NorthPort Batang Pier ngayong Commissioner’s Cup

Kilala ang NorthPort Batang Pier bilang isang koponan na laging nasa ilalim ng team standings, ngunit nag-iba ang ihip ng hangin nang magsimula ang PBA Season 49 Commissioner’s Cup.Sa unang salang pa lamang nag NorthPort sa mid-season conference, ipinakita na nila ang kanilang panibagong lakas ng talunin ang NLEX Road Warriors sa score na 114-87.Sinundan agad nila ang magandang panalo nang talunin nila ang Terrafirma Dyip sa score na 103-101.Nasubukan naman ang karakter ng Batang Pier nang makaharap nila ang Magnolia Hotshots at nakuha ang manipis na 107-103.Ipinakita naman nila na hindi na sila basta-bastang koponan sa ngayon ng talunin nila ang Governors’ Cup champions, TNT Tropang Giga sa isa pang dikitang laban, 100-95.Nakuha naman nila ang ikalimang sunod na panalo laban sa Converge FiberXers, 108-101.Napatid naman ang winning streak ng NorthPort ng makaharap nila ang noong-wala pang panalong Phoenix Fuel Masters, 109-115.Ngunit pagkatapos ng pagkabigo, muling bumangon ang Batang Pier at pinatumba ang guest team na Hong Kong Eastern, 120-113.Wala nang bibigat pa sa kanilang huling laban sapagkat dito nasukat ang kanilang kakayanan nang malagpasan nila ang matinding pressure nang makaharap nila ang crowd-favorite Barangay Ginebra San Miguel.Kahit na umabot ng 18 puntos na kalamangan ang NorthPort sa Ginebra, tatlo lang ang naging lamang ng Batang Pier sa never-say-die na Gin Kings ng matapos ang laro, 119-116.Sa panalong iyon,naipakita ng NorthPort na kaya na nilang makipagsabayan sa malalakas na koponan at handa na sila para sa iba pang mabibigat na laban.Matamis din ang kanilang naging panalo sa Ginebra sapagkat natapos na rin ang kanilang 14-game losing skid laban sa Gin Kings na ngayon lang nila muling natalo mula noong December 14, 2019. Ano nga ba ang dahilan kung bakit 7-1 ang win-loss record ng NorthPort Batang Pier ngayong Commissioner’s Cup?Unang-una ay nakakuha sila ng isang maasahang import sa katauhan ni Kadeem Jack, na fit rin ang laruan sa kanilang sistema.Mula ng dumating si Jack sa NorthPort, nagkaroon ng panibagong sigla ang koponan. Si Jack ay may average na more than 30 points per game at kahanga-hangang percentage sa painted area na mahigit sa 60 percent.Sa kanilang huling laro, nagtala si Jack ng 32 points (15-of-22 field goals) at 16 rebounds para tulungan ang Batang Pier makuha ang ika-pitong panalo sa walong laro.Ikalawang dahilan ay si Arvin Tolentino na nakakapagbigay sa kanila ng MVP numbers ngayong conference na ito.Si Tolentino ay may average na 24.7 points per game, 8.0 rebounds, 3.3 assists, 1.0 steals, and 1.1 blocks. Dahil sa mga numerong ito, nakakuha siya ng 40.8 statistical points, para pumangalawa sa Best Player of the Conference race na pinangungunahan ni eight-time PBA MVP June Mar Fajardo na may 44.8 SP.Pangatlo ay ang consistency sa laro ni Joshua Munzon. Sa kanyang ipinapakitang galing sa ngayon, hindi malayong makuha niya ang Most Improved Player award sa pagtatapos ng season.Sa kanilang huling panalo, nagpakawala si Munzon ng 27 na puntos, namigay ng anim na assists, kumawit ng dalawang rebounds, at kumuha ng dalawang steals, dahilan upang tanghalin siyang Best Player of the Game.Pati ang 25-time PBA champion coach na si Tim Cone ay napabilib ng NorthPort.“NorthPort is for real. They played really well,” saad ni Cone matapos silang talunin ng Batang Pier.“They gave our defense fits all game. And just that, they are for real. We had problems stopping them. Munzon and Arvin [they] are both playing at an MVP level, and their import is a great fit,” dagdag pa ni Cone.Isa pa sa mga dahilan ay ang kanilang supporting cast na kinabibilangan nila William Navarro, Fran Yu, Evan Nelle, Sidney Onwubere, Allyn Bulanadi, Abu Tratter, Damie Cuntapay, Cade Flores at Jio Jalalon.At panghuli ay si Coach Bonnie Tan.Simula ng dumating si Tan sa NorthPort bilang head coach, nagkaroon siya ng roller-coaster ride, pero nag-tiyaga ito.Nagbunga rin ang kanyang pagbibigay ng second chances sa kanyang mga players na sinuklian naman nila ng magandang performance at team chemistry."We challenged our players in tonight's game, it's a statement game for us," saad ni Tan tungkol sa kanilang panalo kontra Gin Kings. "Everyone is questioning our status because we don't win against big teams."Maari pang paigtingin ng NorthPort ang kanilang kampanya sa Commissioner’s Cup kapag naipanalo nila ang kanilang mga laban sa Meralco Bolts, Rain or Shine Elasto Painters, San Miguel Beermen at Blackwater Bossing.Kung magpapatuloy ang takbo ng kampanya ng NorthPort Batang Pier, maari silang maging title-contender sa kasalukuyang kumperensya.
28
Read more

“Taympers”: Pagsasakatuparan ng pangarap ni Troy Rosario

Noong Nobyembre ng 2024, natupad na ang pangarap ni Jeth Troy Rosario na makapaglaro sa paboritong koponan ng kanilang pamilya - ang Barangay Ginebra San Miguel.Pumirma si Rosario ng tatlong taong kontrata para sa paborito ding koponan ng masa. Maganda ang ipinakita ni Rosario bilang Gin Kings player ng siya ay nagtala ng nine points at seven rebounds sa kanyang unang laro para sa koponan noong Nobyembre ng nakaraang taon.Kasama si Rosario sa nagtala ng 4-2 win-loss record ang Ginebra sa kanilang PBA Season 49 Commissioner's Cup campaign bago ang magkaroon ng maikling pahinga bago salubungin bagong taon.At sa pagsisimula nga ng 2025, ipinakitang muli ng dating National University stalwart ang kanyang kakayanang bumuhat ng koponan nang siya ay tanghaling Best Player of the Game sa kanilang 93-81 win laban sa powerhouse na San Miguel Beermen.Nagtala ang 6-foot-7 forward ng double-double performance na 22 points at 10 rebounds sa loob ng 33 minutong paglalaro. Mayroon din siyang isang shot block at kumamada ng 4-of-8 shooting mula sa three-point territory.Dahil sa panalo, hindi lamang ang pangarap na makapaglaro sa kanyang paboritong koponan ang natupad. Naipakita rin niya na kapag naabot mo na ang pangarap, nararapat lamang na mas paghusayan pa at dagdagan pa ang karangalan sa buhay.Susunod na makakalaban ng Barangay Ginebra (5-2) ang kasalukuyang league-leader na NorthPort Batang Pier (6-1) ngayong Miyerkules, Enero 8, sa PhilSports Arena.Pagkatapos ay kakaharapin naman nila ang dating koponan ni Rosario bago ito maging free agent. Makakaraharap nila ang Blackwater Bossing sa Linggo, Enero 11, sa Ynares Center sa Antipolo.Sa tinatakbo ng laro ng Ginebra sa ngayon, posibleng umusad pa sila pataas at maaring matupad ang isa pang parangap ng isang Jeth Troy Rosario – ang muling magkampeon sa PBA, suot naman ang jersey ng kanyang childhood dream team.
16
Read more

“Taympers”: Two-break mahalaga sa isang basketball series

Sa isang best-of-seven series sa larong basketball, napakalaking bagay na magkaroon ng two-day break.Una, maipapahinga ng mga players ang mga pagod nilang mga pangagatawan lalo na at may 48 minuto na playing time sa isang laro, magiging 53 pa kung aabot ito sa overtime. Magagamit din ng mga players ang dalawang araw na pahinga upang maka-recover sa mga injuries na meron sila.Ikalawa, makakapagbigay din ito ng oras sa mga coaches para mag-huddle ng mas maayos upang may mas maganda silang game plan na ipapakita sa susunod nilang laro.Tulad ng laging sinasabi ng mga basketball mentors, ang isang seven-game series ay isang mahabang serye kaya’t kung mas mahaba ang pahinga at paghahanda, mas makakabuti sa lahat ng koponan.Mas mapapag-aralan din ng mga coaches ang laro at mas makakapagbigay sila ng panibagong estratehiya habang hinahanda ang kanilang mga manlalaro at buong team para ibigay ang lahat ng makakaya hindi lamang sa isang laro kundi sa buong serye.Kung handa ang lahat mapa-physical, mental, psychological, o kahit pa emotional, makakapagpakita ng isang magandang laban ang mga koponan na naglalaban at magkakaroon ito ng magandang benepisyo sa lig na kanilang pinaglalaruan, at magbibigay pa ng mas mataas na interes sa fans para sumuporta sa kanilang mga laro.At kung ang mga fans ay kayang ibigay ang lahat para kanilang mga koponan na sinusuportahan, ibibigay din ng mga manlalaro ang kanilang best game upang tapatan ito at makapagbigay ng isang laban na di makakalimutan ng bawat isa. 
18
Read more

We offer you to read the latest and most interesting news about football and sports. Stay updated with the latest transfer rumors, match results, and player interviews. Discover the behind-the-scenes stories of your favorite teams and athletes.

Get insights into the tactics and strategies used by top coaches and players. Explore the world of sports through in-depth analysis and expert opinions. Keep up with major sporting events, including the Olympics and World Cups.

From football to tennis, basketball to cricket, we cover a wide range of sports to cater to your interests. Experience the thrill and excitement of the sporting world through our comprehensive news coverage. Stay tuned for all the action-packed moments and unforgettable victories