Women’s Maharlika Pilipinas Basketball League umarangkada na

Pormal nang nagsimula ang Women’s Maharlika Pilipinas Basketball League nitong Linggo, January 19, sa UST Quadricentennial Pavilion. 

Pinangunahan ni WMPBL CEO Manny Pacquiao ang Opening Ceremony kung saan binigyang diin nito at hinikayat ang mga kababaihan na patuloy na suportahan ang mga nilalalyon ng MPBL sa bansa sa paghubog ng mga mahuhusay na atletang Pilipino kabilang na ang mga kababaihang mahilig sa basketball.

“As we kick off this historic journey, I invite everyone to imagine the limitless possibilities that the WMPBL represents. This league is more than a competition. It is a platform for empowerment and a celebration of excellence from Filipinas who dare to dream big,” ani Pacquiao.

“Today, we are making history as we officially launch the Women’s Maharlika Pilipinas Basketball League o WMPBL,” dagdag pa niya,

This is not just a league, it is a revolution. A revolution that brings women’s basketball to the forefront. Celebrating the incredible talent, passion, and dedication of Filipina athletes across the nation, today, we say to every Filipina athlete: It is your time to shine.”

Mayroong 14 na teams ang maglalaban laban para sa isang korona sa inaugural invitational na siya namang magsisilbing prelude sa unang season ng WMPBL na magsisimula naman sa huling bahagi ng 2025. 

Pagkatapos ng Opening Ceremony ay agad namang sinimulan ang buwenamanong laban sa pagitan ng UST Growling Tigers at Discovery Perlas, kung saan unang nasungkit ng UST ang kanilang panalo,  82-67. 

Bukod sa UST at Discovery, ipinarada rin ng 12 iba pang mga koponan ang kanilang mga  manlalaro, coach, at staff kabilang na ang Far Eastern University, Centro Escolar University, Cavite Tol Patriots, PSP Gymers, Solar Home Suns, Pilipinas Navy Aguilas, University of Santo Tomas, EZ Jersey Relentless, San Juan Lady Knights, New Zealand Bluefire Valkyries, Kalos PH-Philippine Navy Lady Sailors, at Galeries Tower Highrisers.