Tropang Giga pasok na sa semis matapos tambakan ang NLEX

Tuluyan nang inangkin ng TNT tropang Giga ang isa sa mga pwesto sa semifinals ng PBA Season 49 Governors’ Cup matapos ilampaso ang NLEX Road Warriors, 125-96, nitong Martes ng gabi sa Ninoy Aquino Stadium. 

Itinodo na ng Tropang GIga ang kanilang buong makakaya kung kaya umarangkada na ito sa simula pa lang ng kanilang laro at hindi na pinaporma ang NLEX kung kaya naisara ng TNT sa 3-1 standing ang kanilang record sa best-of-five quarterfinals. 

Ayon kay TNT coach Chot Reyes, sa sports na ito mahalaga ang depensa at dapat may kaakibat din itong opensa. Sa kanilang laban kagabi ay nakapag-tala sila ng mataas na 42-of-75 field goal percentage (57.5) kumpara sa mga laro nila noong elimination rounds.

"In this sport, it's about playing defense, certainly, but it's also about putting the ball in the hoop. I think, in the quarterfinals, we finally hit some shots. If you will notice, our field goal percentages in the elimination round were very low on all fronts," sabi ni Reyes

Pinangunahan ni Hollis-Jefferson ang TNT matapos makapagtala ng kanyang game-high 35 points at 11 rebounds, habang 19 points naman ang naiambag ni Rey Nambatac at 18 points naman kay RR Pogoy. 

Samantala, sunod na makakaharap ng Tropang Giga  ang sinumang mananalo sa pagitan ng Magnolia at Rain or Shine sa Sabado na nag tabla sa 2-2 ang kanilang serye nito ding Martes ng gabi. 

The Scores:

TNT 125 – Hollis-Jefferson 35, Nambatac 19, Pogoy 18, Oftana 11, Khobuntin 11, Erram 10, Williams 5, Aurin 5, Exciminiano 4, Payawal 3, Castro 2, Heruela 2, Ebona 0, Galiinato 0, Varilla 0

NLEX 96 – Bolick 25, Jones 21, Policarpio 12, Nermal 10, Torres 9, Anthony 5, Valdez 4, Semerad 3, Herndon 2, Nieto 2, Fajardo 2, Mocon 1, Rodger 0, Miranda 0, Amer 0

QUARTERS: 35-25, 66-46, 95-74, 125-96.