Pinakamalaking crowd sa PBA Season 49 Governors’ Cup, naitala sa Game 4 ng Finals

Umabot sa 16,783 na mga tagahanga at supporters ang nanood sa Game Four ng PBA Season 49 Governors’ Cup Finals sa Araneta Coliseum kung saan nakuha ng Barangay Ginebra ang kanilang pangalawang panalo kontra TNT Tropang Giga, 106-92. 

Nalampasan din ng mga manonood nitong Linggo ng gabi ang turnout sa Araneta Coliseum ang bilang ng mga nanood sa Game 3. Noong nakaraang Biyernes, umabot sa 11,320 ang audience kung saan tinalo din mng Gin Kings ang TNT sa score na 85-73, habang noong Game 1 naman ay umabot sa 11,021 ang mga fans na nanood sa laban at naitala ang pinakamalaking PBA crowd sa kasaysayan ng Ynares Center. 

Bumaba ang mga manonood ng PBA mula noong finale ng Ginebra-Bay Area, noong 2022-23 Commissioner's Cup finals ngunit ang mga tagahanga ng dalawang koponan ay unti-unting nagbabalikan para sa nakakaintrigang sagupaan sa pagitan ng Gin Kings at ng Tropang Giga.

Matatandaang nagkaroon ang PBA ng pinakamalaking turnout mula nang talunin ng Barangay Ginebra ang Bay Area Dragons sa Game Seven ng 2022-23 Commissioner's Cup finals sa harap ng 54,589 fans sa Philippine Arena sa Bocaue, Bulacan.

Sa muling sagupaan ng dalawa sa Miyerkules, November 6, maaaring maging isa pang hit sa mga manonood at fans ng Ginebra at TNT dahil uungos sa 3-2 lead ang mananalo sa laban at mas mapapalapit na makuha ang kampeonato.