Pilipinas Aguilas nadagit ang kampeonato sa WMPBL Finals

Nadagit ng Pilipinas Aguilas ang kampeonato sa katatapos na do-or-die Game 3 Finals sa inaugural season ng WMPBL kontra UST Growling Tigresses sa Ninoy Aquino Stadium kagabi, Abril 23, 54-45.

Bagaman sa simula ng laban ay malaki ang kalamangan ng Tigresses, 14-3, subalit naging dikit na ang laban pagsapit ng 2nd quarter ng laro. 

Pagkatapos ng halftime break ay unti-unti nang nagpakawala ng puntos ang Aguilas at hinigpitan na rin nito ang kanilang depensa hanggang maitabla ng Tigresses ang iskor sa 41-41 hanggang sa pagtatapos ng ikatlong frame. 

Pagsapit naman ng huling quarter ay patuloy pa rin sa pagpapakawala ng puntos ang Aguilas subalit pinipilit ng UST na salagin ang higpit ng depensa ng Aguilas, ngunit hindi na kinaya ng mga Tigresses ang opensang ipinamalas ng kalaban kaya’t lumaki ang kalamangan ng Aguilas sa 51-43 sa huling 4:16 na natitira sa 4th quarter. 

Pinuri din at ikinatuwa ni Pilipinas Aguilas head coach Paolo Layug ang ipinakitang team effort ng kanilang mga player at malaki ang tiwala nito sa kanyang mga manlalaro na kaya nilang ipanalo ang laban. 

"For me, it's really about the players. I was telling the players before the game, what is the story of the Aguilas? And you have players from all sorts of backgrounds. Some were students, some were in the army, some are coming back from bad injuries, one player, Lexi (Pana), is reconnecting with her roots, so the story behind each and every player is something very special. The makeup of the team, the character of the team, you rarely get to coach a team like this. That's why I'm very grateful. It was really an honor to be their coach this season,”  ani Layug.

Tinanghal na best player of the game at Season MVP si Lexi Pana na nakapagtala ng 13 points, eight rebounds, two assists at two steals, samantalang si Mar Prado ay nakapagtala ng 16 points, 12 rebounds, three steals at three blocks. 

Sa panig naman ng Tigresses, kumamada ng tig walong puntos sina Kent Pastrana, Agatha Bron, Rachelle Ambos, at Karylle Sierba. 

The Scores:

Pilipinas Aguilas 54 - Prado 16, Apag 13, Pana 13, Cac 5, Adeshina 4, Guytingco 2, Cabinbin 1, Etang 0, Limbago 0, Omopia 0.

UST Growling Tigresses 45 - Ambos 8, Bron 8, Pastrana 8, Sierba 8, Onianwa 6, Soriano 3, Danganan 2, Maglupay 2, Pescador 0, Reliquette 0, Tacatac 0.

Quarter Scores: 3-14, 28-26, 41-41, 54-45.