Unang MVP trophy ni Fajardo ipapasubasta para sa mga biktima ng Tino
7
PBA: Unang ningas ng Phoenix, hindi natagalan ng Blackwater
Rico Lucero
Sa kauna-unahang pagkakataon, nagliyab na ang apoy ng Phoenix Fuel Masters matapos maitala ang kanilang unang panalo nang matalo nito ang Blackwater Bossing sa score na 119-114 sa nagpapatuloy na PBA Governor’s Cup season 49.
Ginampanan nina Brandone Francis at RR Garcia ang kanilang papel kung saan umiskor si Francis ng pito sa kanyang fourth quarter points sa huling 49 segundo, na nagbigay-daan naman sa Fuel Masters para makabawi mula sa 20-point third quarter deficit mula sa mga kamay ng Blackwater para maging mahigpit at dikit ang laban.
Nanguna sa panalo ng Fuel Masters si import Brandone Francis na nagtala ng 23 points, 10 rebounds at siyam na assists habang mayroong 20 points si RR Garcia at 19 points at siyam na rebounds naman ang naitala ni Jason Perkins.
Sinabi naman ni Phoenix coach Mike Jarin, na ginawa lang umano nila ang kanilang buong makakaya para makakuha ng panalo sa larong ito at sa mga susunod pang laban.
“Basta meron kaming schedules, games to be played, we will continue playing our best. Kaya lalabas kami sa aming susunod na laro na mahusay na handa at pupunta para sa isang panalo," ani Jarin.
Sa Miyerkules, September 18, makikipagbuno ang Phoenix sa koponan ng Barangay Ginebra habang ang Blackwater Bossing naman ay sasagupain ang kamandag ng SMB sa Sabado, September 21.
The Scores :
PHOENIX 119 - Francis 23, Garcia 20, Perkins 19, Rivero 14, Ballungay 12, Tio 7, Ular 5, Tuffin 5, Jazul 4, Soyud 3, Manganti 3, Muyang 2, Salado 2, Verano 0 , Alejandro 0.
BLACKWATER 114 - King 32, Barefield 30, Kwekuteye 20, Rosario 10, Escoto 10, Ilagan 4, Chua 3, Suerte 3, David 2, Micthell 0, Casio 0.
QUARTERS: 30-29, 64-29, 90-78, 119-114
