Unang MVP trophy ni Fajardo ipapasubasta para sa mga biktima ng Tino
7
PBA: Tropang Giga, itotodo na ang laban vs. Rain or Shine
Rico Lucero
Itotodo na ng TNT Tropang Giga ang kanilang buong makakaya sa Game 5 mamayang gabi laban sa Rain or Shine Elasto Painters sa nagpapatuloy na PBA Season 49 Governors’ Cup semifinals sa Ynares Center sa Antipolo City at para makuha ang huling panalo na siyang magdadala sa kanila sa finals.
Pero kahit isang panalo na lang ang kailangan ng Tropang Giga, hindi pa rin nagpapakampante si coach Chot Reyes sa pagpasok nila sa PBA Finals. Pipilitin lang ng TNT na maipanalo ang laban nila mamaya, pero wala pa sa isip ni Reyes ang finals.
"The finals are farthest from our minds right now. Our only thought is to prepare for the next game (Game 5)," sabi ni Reyes.
Gusto ng TNT na makaabante sa kanilang pang-23 finals appearance, at target ang ika-10 korona.
“Hopefully, on Friday, we come out with that kind of hunger and edge in Game 5,” dagdag ni Reyes.
Pipiliting pigilan naman ng Rain or Shine ang Tropang Giga para makakuha ng panalo at maipagpatuloy pa ang serye.
Nitong Miyerkules, tinalo ng TNT ang Elasto Painters sa isang dikitang laban, sa score na 81-79.
Samantala, para naman sa Elasto Painters, hindi pa huli ang lahat para sa kanila. Positibo pa rin at umaasa si coach Yeng Guiao na maipapanalo nila ang Game 5 mamayang gabi kahit pa sa tingin ng iba ay wala na silang pag-asang manalo pa.
"We still feel good about the series. It would be hard to climb back. But we're getting used to finding ways to win. Yes we're down but it could easily have been an even series. That's our perspective. It's positive. We're enjoying the series as we're learning a lot. Meron pa kaming pwedeng i-adjust na makakatulong sa amin," sabi ni Guiao.
Ayon pa kay Guiao, isang opsyon na lang ang mayroon sila, iyon ay ang pigilan ang TNT na mapunta sila sa finals.
"RHJ is playing more than 46 minutes a game, high intensity. Kung ma-extend namin into Game Six or Game Seven, there's the possibility he might tire out. That's our objective," dagdag ni Guiao.
