AVC Beach Tour 2nd Nuvali Open, opisyal nang umarangkada
11
PBA: SMB naitabla sa 2-2 ang semis vs. Gin Kings
Rico Lucero
Kagabi, ipinakita ng San Miguel Beermen ang kanilang matinding depensa para hindi makaporma ang Barangay Ginebra sa kanilang Game 4 ng PBA Season 49 Governors’ Cup semifinal series, 131-121.
Natuwa si SMB head coach Jorge Gallent sa magandang laro na ipinakita ng kanyang koponan dahilan kung kaya naitabla ng Beermen sa 2-2 ang kanilang best-of-seven match-up kontra Gin Kings.
Ayon kay Gallent, hinamon nito ang kanyang players na maging malakas at mag-exert pa ng effort sa laro para magkaroon ng tsansang manalo, at hindi naman siya nabigo sa kaniyang inaasahan.
"Na-challenge ko lang sila [sa] practice kahapon na kailangan lang lumabas na malakas, mag-effort, magdala ng maraming energy para malaki ang chance na manalo sa larong ito. And they responded very well. So, kudos sa kanila," sabi ni Gallent sa postgame press conference.
Bumida sa panalo ng Beermen si June Mar Fajardo na nakapagtala ng 29 points, 16 rebounds at tatlong assists habang ang import na si EJ Anosike ay nakapagbuslo ng 27. Nagdagdag naman ng 20 markers si CJ Perez, at tig-15 points kina Marcio Lassiter at Don Trollano.
Samantala, ayon kay Gin Kings coach Tim Cone wala sila naisagot sa naging performance ng SMB lalo na sa opensang ipinakita ng Beermen.
“They’re just too good for us tonight. They were firing on all cylinders. We had no answer for them. They were hitting shots from the outside, they were getting to the rim, getting the ball to June Mar. We just didn’t have an answer for them tonight,” ayon kay Cone.
Dahil naman sa masaklap na pagkatalo ay pag-aaralan ng Gin Kings ang kanilang susunod na taktika para sa Game 5 sa Biyernes.
“Basically, it’s back to the drawing boards and we’ll figure out what we could do better next time around,” dagdag pa ni Cone.
The scores:
San Miguel (131) - Fajardo 29, Anosike 27, Perez 20, Lassiter 15, Trollano 15, Romeo 14, Cruz 8, Ross 3.
Ginebra (121) - Brownlee 49, Holt 17, Thompson 15, J.Aguilar 12, Abarrientos 11, Ahanmisi 5, Tenorio 5, Pinto 3, Adamos 2, Devance 2, Cu 0.
Quarter scores: 34-28; 62-56; 99-85; 131-121.
