PBA: Blackwater Bossing tinalo ng SMB; 115-102

Bigo ang Blackwater Bossing na talunin ang San Miguel Beermen sa kanilang paghaharap nitong Linggo ng gabi, December 15, PBA Season 49 Commissioner’s Cup sa Ynares Center sa Antipolo City. 

Bagaman nanguna si George King sa Blackwater na may 40 puntos sa 10-of-21 shooting, ngunit nahirapan pa rin ang kanilang mga local players. Si Sedrick Barefield ay nakagawa ng 7-of-16 para sa 17 puntos, at si Christian David ay nag-ambag ng 10 puntos.

Habang sa panig ng Beermen, kumolekta ang eight-time PBA MVP na si June Mar Fajardo ng 27 points, 22 rebounds at 6 assists, kung saan ang back-to-back wins ng SMB ang nagbigay sa kanila ng 3-2 win-loss standing. Ang import ng SMB naman na  si Torren Jones ay nakagawa ng 29 puntos, at 14 rebounds. 

Nagkaroon din ang Beermen ng pagkakataon na magkaroon ng malaking kalamangan dahil sa rebounding kabilang ang 28 sa offensive end at humantong ito sa 28 second-chance points. 

Ayon kay Fajardo, gusto nila talaga manalo kung kaya naman pina-iral nila ang ‘collective effort ng kanilang koponan para makuha ang panalo. 

"Kailangang i-push ko 'yung sarili, dig deep kasi gusto naming manalo kasi pag natalo kami mahirap na," said Fajardo. Collective effort ito ng team - players,coaching staff - kaya nakuha namin itong panalo," ani Fajardo. 

Sa pagbabalik naman ni former SMB team consultant Leo Austria bilang head coach ng SMB, nagpahayag ito na hindi sila natuwa sa naging panalo nila sa laro kontra Bossing dahil sa taas ng kanilang mga nagawang turnovers lalo na sa first half. 

"We're not so happy kasi 'yung turnovers namin mataas (17) and we're a little scrappy in the first half. Pero kahit ano pang sama ng laro, panalo. Kahit one point yan, a win is a win, what higit pa kung higit sa 10 puntos?" sabi ni Austria.

The Scores:

San Miguel 115 - Jones 29, Fajardo 27, Perez 15, Cruz 14, Trollano 11, Cahilig 8, Lassiter 5, Ross 4, Rosales 2, Tautuaa 0, Enciso 0, Brondial 0.

Blackwater 102 - King 40, Barefield 17, David 10, Ilagan 9, Chua 6, Ponferrada 6, Luck 5, Kwekuteye 5, Guinto 4, Casio 0, Scott 0, Hill 0.

Quarter Scores: 18-26, 55-48, 85-77, 115-102.