Unang MVP trophy ni Fajardo ipapasubasta para sa mga biktima ng Tino
7
Nesthy Petecio sasabak uli sa Olympic Game
Rico Lucero
Plano ni Paris Olympian boxer at bronze medalist Nesthy Petecio na sumabak muli sa susunod na 2028 L.A Olympics.
Ito ang kaniyang tiniyak matapos siyang bigyang parangal sa katatapos na Siklab Youth Sports Awards nitong Huwebes ng gabi sa Makati City.
Ayon kay Petecio, gusto pa nitong maglaro at lahat naman umano sila ay dadaan muli sa Olympic qualifiers at itutuloy aniya ang plano niyang pagsabak muli sa Olympics.
“Hindi po masabi kasi alam niyo naman pong babalik sa Olympic qualifier ang lahat, so maraming pagdaraanang butas po diyan so basta ako, gusto ko pang maglaro,” pagbabahagi ni Petecio.
“Opo, nabitin po kasi talaga ako dito sa Paris e, sobrang nabitin po ako rito so itutuloy natin ito,” dagdag pa ng two-time Olympic medalist.
Matatandaang nitong nakalipas na Paris Olympics ay nakapag-uwi si Petecio ng bronze medal at noon namang Tokyo Olympics ay nag-uwi ito ng silver medal at gumawa ito ng kasaysayan sa bansa bilang first Philippine boxer to win back-to-back medals in the Olympics.
Bukod sa pagsabak niya sa L.A Olympics, pinaghahandaan na rin nito ang pagsasanay para naman sa SEA Games sa susunod na taon.
“January 5 po, all aboard na po kami sa Baguio para sa training. Marami po kaming training abroad po, yun ang… and maraming laro po. Sabi ko kay Sir kung pwede sa mga major tournaments ako sumali kasi inaangatan ko rin yung mata ko hanggang ngayon. Walang hinto hangga’t walang ginto. Yun tayo.” pahayag pa ni Petecio.
Samantala, ikinatuwa naman ng pride of Davao del Sur ang parangal na ibinigay sa kanya sa Siklab Awards Night, at itinuturing niya itong blessing na patuloy na dumarating sa kanyang buhay at sa karera na kanyang pinasok.
“Sobrang blessed ako talaga na ako ang napili nila. Siyempre, ang dami nilang pwedeng pagpilian, and ako ang napili nila kaya sobrang salamat po and sobrang blessed po talaga,” pagtatapos ni Petecio.
Nagbigay din ng mensahe ang bronze medalist mula sa Davao del Sur sa mga kabataan na nangangarap na magkaroon ng karangalan sa Olympics.
“Sa lahat ng mga batang nangangarap na mag-medal sa Olympics, naniniwala ako sa inyo, alam kong kaya niyo iyan dahil napatunayan na nating mga Pilipino na kaya nating makipagsabayan sa buong mundo,”
“Aabangan ko kayong lahat. Good luck sa journey ninyo, ingat lang kayo lagi and ayun, focus lang, magdasal, makinig lagi sa coaches, magtiwala lagi sa sarili niyo.” dagdag pa ni Petecio.
