Mga hamon, pagsubok at tagumpay na pinagdaanan ng Volleybukids
13
Marvin Tabamo pasok na sa quarterfinals ng ASBC Elite Men and Women Championships 2024
Rico Lucero
Pasok na sa quarterfinals ang Pinoy boxer at Flyweight title holder na si Marvin Tabamo sa ASBC Elite Men and Women Championships 2024 sa Chiang Mai, Thailand.
Ito ay matapos ang kanyang naging panalo kontra Ukraine boxer na si Siyovush Mukhammadiyev via unanimous decision sa preliminary round ng men’s 51kg class.
Nagpakita ng magandang taktika sa pakikipaglaban si Tabamo sa kanyang kalaban sa opening round hanggang nakakuha ng tiyempo at distansya para masungkit nito ang 5-0 victory.
Susunod na makakaharap ni Tabamo ang pambato ng China na si Wang Xiangkun.
Samantala, bigo namang makakuha ng panalo sina Tyler Tanap at Brandon Jay Soriano sa kani-kanilang opening bouts sa men’s light middleweight at welterweight divisions sa Asian tournament. Gayundin si Mervin Alcober na nakalasap ng pagkatalo laban kay Ryspek Bektenov ng Kyrgyzstan sa quarterfinals ng Men’s Lightweight (60kg) division.
Nasungkit naman ni Clark Bautista ang bronze medal sa Men's Featherweight (57kg) category matapos nitong talunin si Dovlet Muhanov ng Turkmenistan sa quarterfinal round sa pammagitan ng unanimous decision.
Bigo naman ang Pinay boxer na si Ofelia Magno na makuha ang panalo kontra kay Aigerim Sattibayeva ng Kazakhstan sa Women's Minimum (W48kg) division, habang si Riza Pasuit naman ay pasok na semifinals at tiyak nang mayroong maiuuwing bronze medal sa Women's Featherweight (57kg) division matapos nitong talunin ang Sri Lankan boxer via unanimous decision.
