Unang MVP trophy ni Fajardo ipapasubasta para sa mga biktima ng Tino
7
Jake Paul wagi laban sa Hall of Famer na si Mike Tyson
Juan Karlo Libunao (JKL)
Natapos na ang pinakaabangang laban nina Boxing Hall of Famer "Iron" Mike Tyson at social media icon Jake Paul kung saan tinapos ng huli ang laban sa isang unanimous victory, 80-72, 79-73, 79-73, sa AT&T Stadium sa Dallas, Texas.
Nanaig ang pagkabata ng 27-anyos na si Paul sa laban upang makuha ang ika-11 panalo sa kanyang 12 laban. Samantala, naging 50 wins at 7 losses naman ang record ng 58-year-old na si Tyson.
Ito rin ang unang pagsabak muli ni "Iron Mike" sa lona mula nung 2005.
Sinubukan ni Tyson na ibalik ang kanyang sigla ngunit nasalag ni Paul ang bawat pagbabanta nito at patuloy na dinomina ang laban.
Gamit ang kanyang bilis, sinorpresa ni Paul ang boxing legend at nayanig ito sa 3rd round ng laban at nagpatuloy ito hanggang sa 8th round.
Sa huling yugto ng laban, nagbigay pugay si Paul kay Tyson sa huling 10 segundo.
Pagkatapos ng bakbakan kung saan 78 sa 278 na suntok na pinakawalan ni Paul ang naipasok nito kumpara sa 18 sa 98 ni Tyson.
Sinabi ng social media sensation na isang karangalan ang makalaban ang kanyang idolo sa lona.
"Mike Tyson, it is such an honor. He is a legend, he is the greatest ever to do it, he is the GOAT, I look up to him. I am inspired by him and I wouldn't be here if it wasn't for him. This man is an icon, and it is such an honor to fight him," saad ni Paul.
Ang dalawang boksingero ay makakuha ng malaking halaga matapos ang kanilang laban. Tinatayang makakatanggap si Paul ng 40 milyong dolyar, habang si Tyson naman ay makakakuha ng tinatayang 20 milyong dolyar.
Matapos din ang laban, may haka-haka ring muling babalik si Tyson sa lona laban naman sa kapatid ni Jake na si Logan Paul.
