Unang MVP trophy ni Fajardo ipapasubasta para sa mga biktima ng Tino
10
Ikalawang sunod na panalo nakuha ng Meralco Bolts kontra Dyip
Jet Hilario
Matapos ang dramatikong tagumpay sa pagsisimula ng kanilang title defense ay suwabeng inilista ng nagdedepensang Meralco ang ikalawang sunod na panalo.
Tinalo ng Bolts ang Terrafirma Dyip, 118-80, sa pagpapatuloy ng Season 49 PBA Philippine Cup kahapon, Abril 6, sa Ninoy Aquino Stadium sa Malate.
‘I think the guys are playing well together. They’re sharing the ball. Bong (Quinto) led the way, iyong mga assists, you know we have 26. Last, last conference we ‘re about 20, 21 (assists),” ani coach Luigi Trillo.
Umiskor si CJ Cansino ng 19 points tampok ang dalawang four-point shots at may 16 markers si Kurt Reyson para sa Bolts.
“Talagang ready naman kami every game namin, especially sa practice namin talagang pinu-push nila kami (coaches), Talagang lahat ng player na ginamit ngayon nag-contribute,” dagdag ni Quinto.
Bigo naman ang Terrafirma na maduplika ang naunang 95-87 nang talunin nito ang Phoenix noong Biyernes, Abril 4.
Kaagad nag-init ang Bolts sa pagtatayo ng 25-10 abante patungo sa pagpoposte ng isang 20-point lead, 42-22, tampok ang three-pointer at drive ni Cansino sa 7:40 minuto ng second period.
Sa pagbubukas ng third quarter ay naglunsad ang Meralco ng isang 12-0 atake para muling makalayo sa 68-43 sa 6:21 minuto nito.
Ang magkadikit na four-pointer ni Cansino at triple ni Reyson ang tuluyan nang nagbaon sa Terrafirma sa 93-56 sa pagsisimula ng fourth period.
