Unang MVP trophy ni Fajardo ipapasubasta para sa mga biktima ng Tino
10
Gilas Pilipinas magsagawa ng training camp sa Qatar sa Pebrero
Rico Lucero
Plano ng Gilas Pilipinas team na magsagawa ng training camp sa Doha Qatar sa susunod na buwan bilang paghahanda sa dalawang laban nito kontra Chinese Taipei at New Zealand sa final window ng FIBA Asia Cup qualifiers.
Ayon kay Gilas Pilipinas team manager Richard Del Rosario, handa na ang mga kakailanganin ng koponan para sa kanilang training camp at sasali din sila tournament bago tumulak patungong Taiwan at New Zealand.
“We are planning to go to Doha and join a tournament before heading to Taipei and New Zealand,” ani del Rosario.
Sinabi naman ni Gilas head coach Tim Cone, maaring matuloy ang kanilang training camp sa Pebrero 10 para magawa na ang mga kaukulang paghahanda doon para sa kanilang training.
“That will be part of our preparation. But that’s going to happen February 10th or 11th, we might go there and do our preparation there and then come back. There is a chance we will go to Doha before the next window for some friendlies, scheduled workout, but that’s not a hundred percent yet,” ani Cone.
Samantala, magkakaroon din ng mas mahabang oras ng paghahanda ang gilas team sa Pebrero dahil ang PBA ay magpapahinga sa kalagitnaan ng Commissioner’s Cup playoff sa Pebrero 8 hanggang 10 para bigyang-daan ang pagsasanay ng Gilas.
Ang Gilas sa ngayon ay may malinis na 4-0 record kung saan mayroon na itong ticket sa FIBA Asia Cup na isasagawa sa Agosto na gaganapin naman sa Jeddah, Saudi Arabia.
Nakatakdang harapin ng Gilas Pilipinas ang Chinese Taipei sa Pebrero 20, habang sa Pebrero 23 naman ay sasagupain nila ang New Zealand.
