EASL: Ryukyu nasungkit na ang top seed sa Group B, kontra Meralco Bolts

Nakuha na ng Ryukyu Golden Kings ang top seed sa Group B sa East Asia Super League (EASL) 2024-25 season matapos talunin ang kanilang karibal, Meralco Bolts, 89-71, kagabi, January 22, sa Philsports Arena sa Pasig.

Sinimulan ng Rykyu ang laban na may 12-4 run kontra sa Meralco para makakuha ng 22-16 lead, ngunit nabawi ng Golden Kings ang advantage bago matapos ang unang quarter para iposte ang manipis na 23-22 na kalamangan.

Sa ikalawang yugto ng laban, isa na namang see-saw battle ang nangyari sa pagitan ng dalawang koponan hanggang sa naungusan ng Ryuku ang Meralco, 50-41.

Gumawa si Golden Kings team captain Victor Law ng 12 puntos, apat na assists, tatlong rebounds at isang steal bago ang half time break.

Ibinuhos naman ni Keve Aluma ang walo sa kanyang kabuuang 18 points para pamunuan ang third quarter kung saan nadomina ng Ryuku ang Bolts matapos mai-rehistro ang 19-puntos na kalamangan pagpasok sa ikaapat na quarter, 75-56.

Maraming diskarteng ginawa ang Meralco sa final period, na ikinatuwa ng mga manonood sa venue, ngunit laging may sagot ang Golden Kings na tuluyan nang naghatid sa kanila sa panalo.

Tinanghal na Player of the Game si Law matapos kumamada ng 20 puntos, walong rebounds, limang assists at dalawang blocks. Nag-shoot din siya ng 5-of-8 mula sa two-point area, 2-of-6 triples, at perpektong 4-of-4 mula sa linya.

Ang puntos ng Golden Kings ay dinagdagan din ni Alex Kirk ng 19 markers at walong rebounds  habang umiskor ng tig-12 sina Yoshiyuki Matsuwaki at Ryuichi Kishimoto.

Sa kabilang banda, nangunguna naman sina Cliff Hodge at Ange Kouame para sa Meralco na may tig-13 puntos, habang si team captain Chris Newsome ay may 12 points, limang assist, isang steal at isang block.

Samantala, ang import naman na si Akil Mitchell, na inaasahan sanang magpapakitang gilas kagabi ay hindi nakapaglaro dahil sa sakit sa likod habang nasaktan din ang isa pa nilang import na si David Kennedy kahit naglaro siya at gumawa lamang ng tatlong puntos sa 1-of-8 shooting.

Sa ngayon, ang Meralco Bolts kabilang na si Newsome ay nasa isang sitwasyong dapat manalo laban naman sa New Taipei Kings sa Pebrero 12 sa Taiwan upang makakuha ng pwesto sa EASL Final Four.

The Scores:

RYUKYU (89) – Law 20, Kirk 19, Aluma 18, Kishimoto 12, Matsuwaki 12, Onodera 6, Ito 2, Tsukamoto 0, Eumatsu 0, Arakawa 0, Waki 0, Taira 0.

MERALCO (71) – Hodge 13, Kouame 13, Newsome 12, Banchero 9, Bates 6, Cansino 6, Quinto 5, Rios 3, Kennedy 3, Almazan 1, Caram 0.

Quarter Scores: 23-22; 50-41; 75-56; 89-71.