EASL: Meralco Bolts nasa Taiwan na para sa EASL Final Four berth

Matapos bigong manalo kontra Barangay Ginebra nitong Linggo, Pebrero 9, sa kanilang best-of-three series sa PBA Season 49 Commissioner’s Cup quarterfinals, nasa Taiwan na ngayon ang Meralco Bolts para sa isa pang must-win showdown sa Miyerkules, Pebrero 12. 

Lalabanan ng Bolts ang New Taipei Kings, kung saan dito na malalaman kung kanino mapupunta ang huling slot para sa Final Four ng East Asia Super League. 

Sinabi ni Meralco Bolts coach Luigi Trillo na pagtutuunan naman nila ng pansin ngayon ang kanilang laban sa EASL, matapos ang kanilang pagkatalo kontra Gin Kings. 

“Right now, we just have to focus on the next one. We have the ESL in front of us” ani coach Trillo.

Magugunitang sinimulan ng Meralco Bolts ang EASL season sa pamamagitan ng 2-1 strong standing lalo na nang manalo ito kontra Macau Black Bear at Busan KCC Egis, subalit nang magkaroon ng rematch ang Bolts sa KCC noong December 18 ay natalo naman ito. 

Gayundin nitong nakaraang buwan ay natalo naman ang Meralco Bolts kontra Ryukyu na naging dahilan kung kaya naman nalaglag ito sa 2-3 standing. 

Sa pagkakataong ito, sa pamamagitan ng head-to-head na resulta bilang unang tiebreaker ang panalo ng Meralco ay magtatali sa magkabilang koponan para sa 3-3 standing at ipapadala ang Bolts sa Final Four.

Ayon naman kay Meralco Bolts team captain Chris Newsome, bagaman nakakalungkot aniya at hindi sila napasama sa PBA semi finals subalit masaya naman ito dahil pinalad naman ang bansa na mapabilang sa EASL. 

“That we earned to get to the position of being one of the top teams in the Philippines in EASL. Actually, the top team from the Philippines in EASL, so yeah, now it's time to go out there to Taipei,” ani Newsome.

Sinabi pa ni Newsome na isang tough game ang kanilang haharapin sa Miyerkules laban sa Chinese Taipei Kings lalo na at nasa line up din aniya nila si Jeremy Lin, subalit ang naging karanasan aniya nila sa laban kontra Ginebra Kings ang gagamitin nila para paghandaan ang kalaban. 

“It's gonna be a tough one another away game, but I think this one is gonna be good for us because this Ginebra series prepared us for kind of what an away game.Yeah I mean everybody knows New Taipei is a tough team. They got Jeremy Lin. I know he's coming off an injury too,” dagdag pa ni Newsome.